Malayalam 
വീട്ടിലെ കെട്ടിക്കിടക്കുന്ന ജലത്തില് കൂത്താടി വളരുന്നുണ്ടോ? പണി കിട്ടും, ജാഗ്രതക്കുറവിന് പിഴ 2000
തൃശൂര്: വീട്ടില് കെട്ടിക്കിടക്കുന്ന ജലത്തില് കൂത്താടി വളരുന്നത് കണ്ടെത്തിയാല് ഇനി മുതല് കോടതിക്ക് കേസെടുക്കാം. പിഴയും ചുമത്താം. ഇങ്ങനെയൊരു കേസില് കേരളത്തില് ആദ്യമായി നടപടി സ്വീകരിച്ചിരിക്കുകയാണ് ഇരിങ്ങാലക്കുട ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി.
ബ്ലോക്ക് കുടുംബാരോഗ്യ കേന്ദ്രം ഹെല്ത്ത് സൂപ്പര്വൈസര് പി ജോബി ഫയല് ചെയ്ത കേസില് മൂരിയാട് പുല്ലൂര് സ്വദേശിക്കെതിരെയാണ് നടപടി സ്വീകരിച്ചത്. 2000 രൂപയാണ് പിഴ വിധിച്ചത്. ഈ പ്രദേശങ്ങളില് ഡെങ്കിപ്പനി വ്യാപകമായി പടര്ന്നുപിടിക്കുന്ന പശ്ചാതലത്തില് കൊതുകുകള് വളരാനുള്ള സാഹചര്യം ഒഴിവാക്കണമെന്ന ആരോഗ്യവകുപ്പ് നിര്ദ്ദേശം പാലിക്കാത്തതോടെയാണ് ഹെല്ത്ത് സൂപ്പര്വൈസര് കേസെടുത്തത്.
കേരളത്തില് ഡെങ്കിപ്പനി, എലിപ്പനി, കോളറ, എച്ച് 1 എന് 1, വെസ്റ്റ് നെയ്ല്, അമീബിക് മസ്തിഷ്ക ജ്വരം എന്നിങ്ങനെ രോഗങ്ങളുടെ പട്ടിക നീളുകയാണ്. വിവിധതരത്തിലുളള പനി ബാധിക്കുന്ന ഈ സാഹചര്യത്തില് ജാഗ്രത വേണമെന്ന് ആരോഗ്യവകുപ്പ് മുന്നറിയിപ്പ് നല്കി.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
