Malayalam 
സംസ്ഥാനത്ത് കാലവര്ഷം ശക്തം, നദികളിലെ ജലനിരപ്പ് ഉയരുന്നു; ജാഗ്രതാ നിര്ദേശവുമായി കാലാവസ്ഥാ വകുപ്പ്
തിരുവനന്തപുരം: കേരളത്തില് കാലവര്ഷം ശക്തമായി തുടരുകയാണ്. 24 മണിക്കൂറില് സംസ്ഥാനത്താകെ 8.45 സെന്റിമീറ്റര് മഴയാണ് പെയ്തത്. അടുത്ത ദിവസങ്ങളില് തെക്കന് ചൈന കടലിനും വിയറ്റ്നാമിനും മുകളിലുള്ള ന്യൂനമര്ദം ബംഗാള് ഉള്ക്കടലില് പ്രവേശിക്കും. ഇത് 19 ന് പുതിയൊരു ന്യൂനമര്ദമായി മാറും. അതിനാല് ജൂലൈ 22 വരെ സംസ്ഥാനത്ത് കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
കുറഞ്ഞ സമയം കൊണ്ട് കനത്ത മഴ പെയ്യുമെന്നാണ് പ്രവചനം. മലവെള്ളപ്പാച്ചിലിനും മിന്നല് പ്രളയങ്ങള്ക്കും സാധ്യതയുണ്ട്. അതിനാല് പൊതുജനങ്ങള് അതീവ ജാഗ്രത പാലിക്കണമെന്ന് കാലാവസ്ഥാ വകുപ്പ് മുന്നറിയിപ്പ് നല്കി.
ഇന്ന് മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട് ജില്ലകളില് യെലോ അലര്ട്ടും പ്രഖ്യാപിച്ചിട്ടുണ്ട്. കേരളം, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിന് പോകരുതെന്നും നിര്ദേശമുണ്ട്. വിവിധ ജില്ലകളിലായി മഴക്കെടുതിയില് ഇന്നലെ മാത്രം 8 പേരാണ് മരിച്ചത്. ഒരാളെ കാണാവുകയും ചെയ്തു.
