Malayalam 
മുണ്ടക്കൈയിലെ ഉരുള്പൊട്ടല് ദുരന്തത്തിന് കാരണം കനത്ത മഴ ; ജിയോളജിക്കല് സര്വേ ഓഫ് ഇന്ത്യയുടെ റിപ്പോര്ട്ട് പുറത്ത്
കല്പ്പറ്റ: വയനാട്ടിലെ മുണ്ടക്കൈയിലും ചൂരല്മലയിലും ഉണ്ടായ ഉരുള്പൊട്ടലിന് കാരണമായത് മേഖലയില് പെയ്ത കനത്ത മഴയെന്ന് ജിയോളജിക്കല് സര്വേ ഓഫ് ഇന്ത്യയുടെ പ്രാഥമിക റിപ്പോര്ട്ട്. കൂടാതെ പ്രാദേശിക ഘടകങ്ങള് ദുരന്തത്തിന്റെ ആഘാതം കൂട്ടി. സ്ഥലത്തിന്റെ ചെരിവും മണ്ണിന്റെ ഘടനയും ആഘാതം ഇരട്ടിയാക്കിയെന്നും റിപ്പോര്ട്ടില് പറയുന്നു.
Also Read ; ദുരന്തഭൂമിയിലെ ജനകീയ തെരച്ചില് ഇന്നും തുടരും; ഇനി കണ്ടെത്താനുള്ളത് 126 പേരെ
29, 30 തിയ്യതികളിലായി പെയ്ത കനത്ത മഴയ്ക്ക് പിന്നാലെയാണ് ഉരുള്പൊട്ടലുണ്ടായത്. അപകടമേഖയില് 2018 മുതല് ചെറുതും വലുതുമായി ഉരുള്പൊട്ടലുകളുണ്ടായിട്ടുണ്ട്. മുണ്ടക്കൈ ഉരുള്പൊട്ടലില് എഴ് കി.മീ ദൂരത്തോളം അവശിഷ്ടങ്ങള് ഒഴുകി. കൂറ്റന് പാറക്കഷ്ണങ്ങളും മണ്ണും ചെളിയും വേഗത്തില് ഒഴുകിയെത്തി. അപകടമേഖലയുടെ മലയോരമേഖലകള് അതീവ ഉരുള്പൊട്ടല് സാധ്യതാ പട്ടികയിലെന്നും റിപ്പോര്ട്ടില് വ്യക്തമാക്കുന്നു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
അതേസമയം മേഖലയില് ജനകീയ തിരച്ചില് പുരോഗമിക്കുകയാണ്. ദുരന്തമേഖലകളെ ആറായി തിരിച്ചാണ് തിരച്ചില് നടക്കുന്നത്. ക്യാമ്പുകളിലും ബന്ധുവീടുകളിലും കഴിയുന്ന പ്രദേശവാസികള് തിരച്ചിലിനുണ്ട്. കഡാവര് നായ്ക്കളെയും തിരച്ചിലിനിറക്കും.
