Malayalam 
എനിക്ക് ലഭിച്ച പുരസ്‌കാരത്തേക്കാള്‍ ബ്ലെസിയുടെ അധ്വാനത്തിന് അംഗീകാരം ലഭിച്ചതില്‍ സന്തോഷമുണ്ട് – പൃഥ്വിരാജ്
സംസ്ഥാന ചലച്ചിത്ര പുരസ്‌കാരത്തില്‍ ഒരുപാട് പുരസ്‌കാരങ്ങള്‍ ലഭിച്ചതില്‍ വലിയ സന്തോഷമുണ്ടെന്ന് നടന് പൃഥ്വിരാജ്. തനിക്ക് കിട്ടിയ അംഗീകാരത്തേക്കാള്‍ ബ്ലെസിയുടെ അധ്വാനത്തിന് ലഭിച്ച അംഗീകാരത്തിനാണെന്നും പൃഥ്വിരാജ് പറഞ്ഞു. മികച്ച നടനുള്ള സംസ്ഥാന പുരസ്‌കാരം ലഭിച്ചതിന് പിന്നാലെയായിരുന്നു പൃഥ്വിയുടെ പ്രതികരണം.
Also Read ; സംസ്ഥാന,ദേശീയ ചലച്ചിത്ര പുരസ്‌കാര ജേതാക്കളെ അഭിനന്ദിച്ച് മമ്മൂട്ടിയുടെ പോസ്റ്റ്
‘ഒരുപാട് സന്തോഷമുണ്ട്, മികച്ച നടനുള്ള അംഗീകാരം എനിക്ക് ലഭിച്ചു എന്നുള്ളതിനൊപ്പം തന്നെ ആ സിനിമയ്ക്ക് ഇത്രയും അംഗീകാരം കിട്ടിയതില്‍ സന്തോഷമുണ്ട്. ഈ അംഗീകാരങ്ങള്‍ക്ക് ഒപ്പം തന്നെ ആ സിനിമയ്ക്ക് ലഭിക്കാവുന്നതില്‍ ഏറ്റവും വലിയ അംഗീകാരം സിനിമ റിലീസ് ചെയ്തപ്പോള്‍ ലോകമെമ്പാടുമുള്ള പ്രേക്ഷകര്‍ ആ സിനിമക്ക് അംഗീകാരം തന്നു എന്നുള്ളതാണ്, അത് കഴിഞ്ഞതിനുശേഷം ആണ് ഈ അംഗീകാരം കിട്ടുന്നത് എന്നത് സന്തോഷത്തിന് ആക്കം കൂട്ടുന്നു. എന്റെ കരിയറില്‍ ഏറ്റവും കൂടുതല്‍ വെല്ലുവിളികള്‍ നിറഞ്ഞ സിനിമയും കഥാപാത്രവും ആയിരുന്നു ഇത്.
വലിയ സ്വപ്നങ്ങള് കാണുന്ന ഒരുകൂട്ടം ആള്‍ക്കാരില്‍ പെട്ടതാണ് ഞാനും. ഒരു ലാന്റ്മാര്‍ക് വര്‍ഷം ആണ് മലയാളസിനിമക്ക് കഴിഞ്ഞുപോയത്. മലയാള സിനിമയുടെ പ്രയാണം ഇനിയും ഉയരങ്ങളില്‍ എത്തട്ടെ. മലയാള സിനിമയെക്കുറിച്ച് സംസാരിക്കുമ്പോള്‍ ഭയങ്കരമായ അഭിമാനം അനുഭവിക്കുന്ന ആളാണ് ഞാന്‍.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
മുപ്പത്തിയെട്ട് സിനിമകളില്‍ 22 നവാഗത സംവിധായകരായിരുന്നു എന്നതില്‍ സന്തോഷം. ആടുജീവിതത്തിന് വേണ്ടി ചെയ്ത ശാരീരികമായ പ്രയത്നം ഇനി ഞാന്‍ ചെയ്യില്ല. അതെനിക്ക് ശാരീരികമായി സാധ്യമാണോ എന്നറിയില്ല. ആടുജീവിതം ഭാവിതലമുറയ്ക്ക് പ്രചോദനമാവട്ടെ എന്നാശംസിക്കുന്നു’, പൃഥ്വിരാജ് പറഞ്ഞു.
