Malayalam 
സിദ്ധാര്ത്ഥന്റെ മരണം; കടുത്ത നടപടിയുമായി ഗവര്ണര്
കോഴിക്കോട്: പൂക്കോട് സര്വകലാശാല വിദ്യാര്ത്ഥി സിദ്ധാര്ഥന്റെ മരണത്തില് കടുത്ത നടപടിയുമായി ഗവര്ണര്. പൂക്കോട് വെറ്ററിനറി സര്വകലാശാലയിലെ മുന് വൈസ് ചാന്സിലര് എംആര് ശശീന്ദ്രനാഥിന് ഗവര്ണര് കാരണം കാണിക്കല് നോട്ടീസ് നല്കി. 30 ദിവസത്തിനകം മറുപടി നല്കണമെന്നാണ് നിര്ദേശത്തിലുള്ളത്. ഇതിനുപുറമെ സിദ്ധാര്ത്ഥന്റെ മരണത്തെ തുടര്ന്ന് സസ്പെന്ഷനില് ഉള്ള മുന് ഡീന് എം. കെ. നാരായണനും അസിസ്റ്റന്റ് വാര്ഡന് ഡോ. ആര്.കാന്തനാഥനും എതിരെ കൂടുതല് നടപടിക്കും നീക്കമുണ്ട്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
ഗവര്ണര് നിയമിച്ച കമ്മീഷന് റിപ്പോര്ട്ടിലെ ഉള്ളടക്കം വിസിക്ക് കൈമാറി. 45 ദിവസത്തിനകം ഇരുവര്ക്കും എതിരെ എന്ത് നടപടി എടുത്തെന്ന് അറിയിക്കണമെന്നാണ് നിര്ദേശത്തിലുള്ളത്. റിപ്പോര്ട്ടിലെ കണ്ടെത്തലുകള് പരിശോധിക്കാനായി നാലംഗ സമിതിയെ നിയോഗിച്ചിട്ടുണ്ട്. സമിതിയുടെ വിലയിരുത്തല് മാനേജ്മെന്റ് കൗണ്സിലില് വെയ്ക്കും.
