Malayalam 
വെള്ളം ചോദിച്ച് വീട്ടിലെത്തി മാല കവര്ന്ന കേസ്; യുവതി പിടിയില്
തിരുവനന്തപുരം: പ്രായം ചെന്ന ഒറ്റക്ക് താമസിക്കുന്ന വയോധികരെ നോക്കിവെച്ചശേഷം വെള്ളം ചോദിച്ചെത്തി മാല കവരുന്ന യുവതി പിടിയില്. ഊരമ്പ് പുന്നക്കട സ്വദേശി സുകന്യ (31) യാണ് പിടിയിലായത്. വെള്ളറട പോലീസ് പരിധിയില് രണ്ടിടങ്ങളിലായി വീടുകളില് കുടിവെള്ളം ചോദിച്ചെത്തി മാല കവര്ന്ന സംഘത്തിലെ പ്രധാനിയാണ് അറസ്റ്റിലായത്.
Also Read ; സഹപ്രവര്ത്തക ശൗചാലയത്തില് വസ്ത്രം മാറുന്നതിന്റെ വീഡിയോ പകര്ത്തി ; 54 കാരന് അറസ്റ്റില്
കുന്നത്തുകാല് ആറടിക്കരവീട്ടില് ഡാളി ക്രിസ്റ്റലിന്റെ (62) വീട്ടിലെത്തി കുടിവെള്ളം ചോദിച്ച ശേഷം രണ്ട് പവന് മാല കവര്ന്ന കേസിലും കുടപ്പനമൂട് ശാലേം ഹൗസില് ലളിതയുടെ (84) മൂന്ന് പവന് മാല കവര്ന്ന കേസിലുമാണ് സുകന്യ പിടിയിലായത്. ഒറ്റക്ക് താമസിക്കുന്ന പ്രായംചെന്ന സ്ത്രീകളെ നോക്കി വെച്ചശേഷം വീടുകളിലെത്തി മാല കവരുന്നതാണ് പ്രതിയുടെ രീതിയെന്ന് പോലീസ് പറഞ്ഞു. സര്ക്കിള് ഇന്സ്പെക്ടര് പ്രസാദ്, ഇന്സ്പെക്ടര്മാരായ റസല് രാജ്, ശശികുമാര്, സിവില് പൊലീസ് ഓഫിസര്മാരായ ഷീബ, അശ്വതി, രാജേഷ്, ബീജു എന്നിവരടങ്ങുന്ന സംഘമാണ് സുകന്യയെ പിടികൂടിയത്. കോടതി പ്രതിയെ റിമാന്ഡ് ചെയ്തു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
