Malayalam 
‘അമ്മ’യും ഡബ്ല്യുസിസിയും തമ്മിലുള്ള തര്ക്കത്തിന്റെ ഇരയാണ് താന്, ശരിയായ അന്വേഷണം നടത്താതെ കേസില് പ്രതിയാക്കി : മുന്കൂര് ജാമ്യാപേക്ഷയില് സിദ്ദിഖ്
ഡല്ഹി : ബലാത്സംഗ കേസില് ഒളിവില് കഴിയുന്ന നടന് സിദ്ദിഖ് സുപ്രീംകോടതിയില് മുന്കൂര് ജാമ്യാപേക്ഷ സമര്പ്പിച്ചു. താരസംഘടനയായ അമ്മയും ഡബ്ല്യൂസിസിയും തമ്മിലുള്ള തര്ക്കത്തിന്റെ ഇരയാണ് താനെന്ന് നടന് സിദ്ദിഖ് ജാമ്യാപേക്ഷ ഹര്ജിയില് വ്യക്തമാക്കി. ശരിയായ അന്വേഷണം നടത്താതെയാണ് തന്നെ ബലാത്സംഗ കേസില് പ്രതിയാക്കിയതെന്നും സിദ്ദിഖ് ആരോപിക്കുന്നുണ്ട്. മുന്കൂര് ജാമ്യാപേക്ഷ തിങ്കളാഴ്ച പരിഗണിക്കണമെന്ന് ആവശ്യപ്പെട്ട് കത്ത് നല്കിയിട്ടുണ്ട്.
Also Read ; അര്ജുന്റെ മൃതദേഹം നാട്ടിലെത്തിക്കാനുള്ള നടപടികള്ക്ക് ഇന്ന് തുടക്കമാകും
ഓണ്ലൈന് ആയാണ് നടന് സുപ്രീം കോടതിയില് ഹര്ജി ഫയല് ചെയ്തത്. എട്ടു വര്ഷത്തിന് ശേഷം ഉന്നയിക്കുന്ന ആരോപണം അടിസ്ഥാന രഹിതമാണ്. ഭയം മൂലം പരാതി പറയാതിരുന്നുവെന്നത് അവിശ്വസനീയം, 2019 സോഷ്യല് മീഡിയയില് ആരോപണം ഉന്നയിച്ചപ്പോള് ബലാത്സംഗം എന്ന് പറഞ്ഞിരുന്നില്ല, ഇക്കാര്യം ഹൈക്കോടതി പരിഗണിച്ചില്ലെന്നത് അടക്കം ഉള്ള വാദങ്ങള് ആണ് സിദ്ദിഖ് ഉയര്ത്തുന്നത്. സിദ്ധിഖിന്റെ മുന്കൂര് ജാമ്യാപേക്ഷയില് നേരത്തെ സംസ്ഥാന സര്ക്കാര് തടസ ഹര്ജി ഫയല് ചെയ്തിരുന്നു.സര്ക്കാരിനെ കേള്ക്കാതെ സിദ്ധിഖിന്റെ ഹര്ജിയില് തീരുമാനമെടുക്കരുതെന്ന് ആണ് ആവശ്യം.മുന് സോളിസിറ്റര് ജനറല് രഞ്ജിത് കുമാറിനെ കൊണ്ടുവരാന് സര്ക്കാര് ശ്രമം തുടങ്ങി.അതേസമയം സിദ്ദിഖിന്റെ മുന്കൂര് ജാമ്യ ഹര്ജിക്കെതിരെ പരാതിക്കാരിയും തടസ്സ ഹര്ജി ഫയല് ചെയ്തിരുന്നു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
