Malayalam 
കെ സുരേന്ദ്രന് ആശ്വാസം; മഞ്ചേശ്വരം തെരഞ്ഞെടുപ്പ് കോഴക്കേസില് ഉള്പ്പെട്ട ആറ് പേരും കുറ്റ വിമുക്തര്
കാസര്കോട്: ബിജെപി സംസ്ഥാന പ്രസിഡന്റ് കെ സുരേന്ദ്രന് ആശ്വാസം. മഞ്ചേശ്വരം തെരഞ്ഞെടുപ്പ് കോഴ കേസില് സുരേന്ദ്രന് ഉള്പ്പെടെ 6 ആരോപണ വിധേയരുടേയും വിടുതല് ഹര്ജി കോടതി അംഗീകരിച്ചു. കാസര്കോട് ജില്ലാ സെഷന്സ് കോടതിയാണ് കേസ് നിലനില്ക്കില്ലെന്ന വാദം അംഗീകരിച്ചത്. കേസില് ഉള്പ്പെട്ടവരെല്ലാം നേരിട്ട് ഹാജരാകണമെന്ന് കോടതി നിര്ദ്ദേശിച്ചതിനാല് കെ സുരേന്ദ്രന് ഉള്പ്പെടെ എല്ലാവരും ഇന്ന് കോടതില് ഹാജരായിരുന്നു.
Also Read; അഭിമുഖ വിവാദം: ഹിന്ദു ഖേദം പ്രകടിപ്പിച്ചതോടെ വിവാദം അവസാനിച്ചെന്ന് ടി പി രാമകൃഷ്ണന്
2021ലെ നിയമസഭാ തെരഞ്ഞെടുപ്പില് മഞ്ചേശ്വരത്തെ ബിഎസ്പി സ്ഥാനാര്ത്ഥിയായിരുന്ന സുന്ദരയ്ക്ക് സ്ഥാനാര്ത്ഥിത്വം പിന്വലിക്കാന് രണ്ടര ലക്ഷം രൂപയും സ്മാര്ട്ട് ഫോണും നല്കിയെന്നും ഭീഷണിപ്പെടുത്തിയെന്നുമായിരുന്നു കേസ്. ബിജെപി സംസ്ഥാന അധ്യക്ഷന് കെ സുരേന്ദ്രനായിരുന്നു കേസിലെ ഒന്നാം പ്രതി. ബിജെപി ജില്ലാ സെക്രട്ടറി കെ മണികണ്ഠ റൈ രണ്ടും സുരേഷ് നായ്ക്ക് മൂന്നും പ്രതികളായിരുന്നു. യുവമോര്ച്ച മുന് സംസ്ഥാന ട്രഷറര് സുനില് നായ്ക്കായിരുന്നു നാലാം പ്രതി. ബിജെപി മുന് ജില്ലാ പ്രസിഡന്റ് കെ ബാലകൃഷ്ണ ഷെട്ടി, ലോകേഷ് നോണ്ട എന്നിവര് അഞ്ചും ആറും പ്രതികളായിരുന്നു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
