Malayalam 
ഒരു രാജ്യം ഒരു തെരഞ്ഞെടുപ്പ്: ബില് നാളെ പാര്ലമെന്റില് അവതരിപ്പിക്കും
ഡല്ഹി: ഒരു രാജ്യം ഒരു തെരഞ്ഞെടുപ്പ് ബില് നാളെ ലോക്സഭയില് അവതരിപ്പിക്കും. നിയമമന്ത്രി അര്ജുന് റാം മേഘ്വാളാണ് ലോക്സഭയില് ബില് അവതരിപ്പിക്കുന്നത്. അതേസമയം ബില്ലിനെതിരെ ശക്തമായ പ്രതിപക്ഷ പ്രതിഷേധം നിലനില്ക്കുന്നതിനാല് ബില്ല് സംയുക്ത പാര്ലമെന്ററി സമിതിക്ക് വിടാനാണ് സാധ്യത.
Also Read ; ആന്ഡമാന് കടലിനുമുകളിലെ ചക്രവാതച്ചുഴി; കേരളത്തില് ഇടിമിന്നലോടു കൂടിയ മഴയ്ക്ക് സാധ്യത
എന്നാല് ഈ ബില് നിലവില് വന്നാല് 2034 മുതല് ലോക്സഭാ നിയമസഭാ തെരഞ്ഞെടുപ്പുകള് ഒന്നിച്ച നടത്താനാണ് തീരുമാനം.ഭരണഘടന അനുച്ഛേദം 83 ഉം 172 ഉം ഭേദഗതി ചെയ്തുള്ള ബില്ലും കേന്ദ്ര ഭരണ പ്രദേശങ്ങളിലെ നിയമസഭ തെരഞ്ഞെടുപ്പ് ഭേദഗതി ബില്ലുമാകും അവതരിപ്പിക്കുക. ഒറ്റഘട്ടമായി തെരഞ്ഞെടുപ്പ് നടക്കണമെങ്കില് നിയമസഭകളുടെ കാലാവധി വെട്ടി ചുരുക്കേണ്ടി വരുമെന്ന് ബില്ലില് വ്യക്തമാക്കുന്നു.
ആദ്യ ഘട്ടത്തില് ലോക്സഭ നിയമസഭ തെരഞ്ഞെടുപ്പുകള് ഒന്നിച്ച് നടത്താനും പിന്നീട് തദ്ദേശ തെരഞ്ഞെടുപ്പുകള് കൂടി അതില് ഉള്പ്പെടുത്താനുമാണ് നീക്കം. ബില്ലുകള്ക്ക് കഴിഞ്ഞ ദിവസം കേന്ദ്ര മന്ത്രിസഭ അംഗീകാരം നല്കിയിരുന്നു. ബില്ലില് സമവായം ഉണ്ടാക്കാനാകും വഖഫ് നിയമഭേദഗതി ബില് മാതൃകയില് ജെപിസിക്ക് വിടുന്നത്. എങ്കിലും ബില് പാസാകാന് കടമ്പകള് ഏറെയാണ്.
ഭരണഘടന ഭേദഗതി അംഗീകരിക്കാന് മൂന്നില് രണ്ട് ഭൂരിപക്ഷമെങ്കിലും വേണം. ഇപ്പോഴത്തെ സംഖ്യയില് എന്ഡിഎക്ക് ഒറ്റക്ക് ബില് പാസാക്കാനാവില്ല. പ്രതിപക്ഷ പാര്ട്ടികളുടെ കൂടി സഹകരണം ഇക്കാര്യത്തില് വേണ്ടി വരും. സംസ്ഥാനങ്ങളുടെ പിന്തുണയും ഉറപ്പാക്കേണ്ടതുണ്ട്. ബില്ലിനെതിരെ ഇപ്പോഴെ കടുത്ത വിമര്ശനം ഉയര്ത്തുന്ന പ്രതിപക്ഷത്തിന്റെ സഹകരണം കിട്ടില്ലെന്ന് ഉറപ്പാണെങ്കിലും പ്രഖ്യാപിത ലക്ഷ്യത്തിലേക്ക് നീങ്ങുന്നുവെന്ന ചര്ച്ച സജീവമാക്കാനാണ് സര്ക്കാരിന്റെ ലക്ഷ്യം.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
