Malayalam 
ചോദ്യം ചെയ്യലിനായി എത്തിയത് ഡി എഡിക്ഷന് സെന്ററില് നിന്ന്, ഒരുമണിക്കൂറില് തിരിച്ചയക്കണമെന്ന് ഷൈന് ടോം ചാക്കോ
ആലപ്പുഴ: ആലപ്പുഴയിലെ ഹൈബ്രിഡ് കഞ്ചാവ് കേസില് എക്സൈസിന് മുന്നില് ഹാജരായി നടന് ഷൈന് ടോം ചാക്കോ. ബെംഗളൂരുവില് നിന്നും രാവിലെ വിമാനം മാര്ഗ്ഗമാണ് ഷൈന് കൊച്ചിയില് എത്തിയത്. എക്സൈസ് ആവശ്യപ്പെട്ടതിലും രണ്ടര മണിക്കൂര് മുമ്പ് എക്സൈസ് ഓഫീസില് ഷൈന് ടോം ചാക്കോ ഹാജരായി. ഇന്ന് രാവിലെ 10 മണിക്ക് ചോദ്യം ചെയ്യലിന് എത്തണമെന്നാണ് ഷൈന് ടോം ചാക്കോയ്ക്ക് എക്സൈസ് നോട്ടീസ് നല്കിയിരുന്നത്. എന്നാല് രാവിലെ 7.30 ഓടെ ഷൈന് എക്സൈസ് ഓഫീസിലെത്തുകയായിരുന്നു.
താന് ബെംഗളൂരുവിലെ ഡി അഡിക്ഷന് സെന്ററില് ചികിത്സയിലാണെന്നും ഒരു മണിക്കൂര് കൊണ്ട് തന്നെ മടക്കി അയക്കണമെന്നും ഷൈന് എക്സൈസ് ഉദ്യോഗസ്ഥരെ അറിയിച്ചു. കഞ്ചാവ് കേസില് പിടിയിലായ തസ്ലീമയെ അറിയുമോ എന്ന മാധ്യമപ്രവര്ത്തകരുടെ ചോദ്യത്തോട് പ്രതികരിക്കാന് ഷൈന് തയ്യാറായില്ല.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
അതേസമയം നടന് ശ്രീനാഥ് ഭാസിയും ചോദ്യം ചെയ്യലിനായി എക്സൈസ് ഓഫീസിലെത്തിയിട്ടുണ്ട്. കൊച്ചിയിലെ മോഡല് ആയ സൗമ്യയെയും ഇന്നാണ് ചോദ്യം ചെയ്യുക. കണ്ടെത്തിയ തെളിവുകളുടെ അടിസ്ഥാനത്തില് പ്രത്യേക ചോദ്യാവലി തയ്യാറാക്കിയാണ് ചോദ്യം ചെയ്യല്. ആദ്യ ഘട്ടത്തില് ഒറ്റയ്ക്കിരുത്തിയാകും ചോദ്യം ചെയ്യുക. പിന്നീട് ഒരുമിച്ചിരുത്തി ചോദ്യം ചെയ്യും. ഇതിനു ശേഷമാകും നടന്മാര് ഉള്പ്പടെ ഉള്ളവരെ കേസില് പ്രതി ചേര്ക്കണോ എന്ന കാര്യത്തില് അന്വേഷണസംഘം തീരുമാനമെടുക്കുക.
