Malayalam 
ആര്യാടന് ഷൗക്കത്തിനെ പരസ്യമായി അപമാനിച്ചു, അന്വറിനോട് ഒത്തുതീര്പ്പ് വേണ്ടെന്ന് കോണ്ഗ്രസ്
മലപ്പുറം: നിലമ്പൂര് ഉപതിരഞ്ഞെടുപ്പില് മുന് എംഎല്എ പി വി അന്വറിനോട് ഒത്തുതീര്പ്പ് വേണ്ടെന്ന നിലപാടില് കോണ്ഗ്രസ്. യുഡിഎഫ് സ്ഥാനാര്ത്ഥി ആര്യാടന് ഷൗക്കത്തിനെ പരസ്യമായി പി വി അന്വര് അപമാനിച്ചെന്നാണ് കോണ്ഗ്രസിന്റെ വിലയിരുത്തല്. അന്വറിന്റെ പ്രസ്താവന അവമതിപ്പുണ്ടാക്കിയെന്നും കോണ്ഗ്രസ് വിലയിരുത്തി.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ഇനി ഒത്തുതീര്പ്പ് പ്രസക്തമല്ലെന്നാണ് പാര്ട്ടിയുടെ പൊതുവികാരം. ഒത്തുതീര്പ്പിന് ആരെയും ചുമതലപ്പെടുത്തിയിട്ടില്ലെന്നാണ് കോണ്ഗ്രസ് നേതൃത്തിന്റെ നിലപാട്. അന്വര് വേണമെങ്കില് യുഡിഎഫിനെ പിന്തുണയ്ക്കട്ടെയെന്നാണ് കോണ്ഗ്രസ് കണക്കാക്കുന്നത്. മുസ്ലിം ലീഗിലും അന്വറിന്റെ നിലപാടില് അമര്ശമുണ്ടായിട്ടുണ്ട്. ഒറ്റക്കെട്ടായ തിരഞ്ഞെടുപ്പ് പ്രവര്ത്തനങ്ങളില് വിള്ളലുണ്ടാകുമെന്നാണ് വിലയിരുത്തല്.
