Malayalam 
തിരുവനന്തപുരത്ത് ഒരു കുടുംബത്തിലെ നാലു പേര് ആത്മഹത്യ ചെയ്തു
തിരുവനന്തപുരത്ത് ഒരു കുടുംബത്തിലെ നാലു പേര് ആത്മഹത്യ ചെയ്തു. അച്ഛനെയും അമ്മയെയും രണ്ടു മക്കളെയുമാണ് വക്കം വെളിവിളാകം ക്ഷേത്രത്തിന് സമീപമുള്ള വീട്ടില് ജീവനൊടുക്കിയ നിലയില് കണ്ടെത്തിയത്. അനില്കുമാര്, ഭാര്യ ഷീജ, മക്കളായ ആകാശ്, അശ്വിന് എന്നിവരാണ് മരിച്ചത്.
കടബാധ്യതയാണ് ഇവര് ജീവനൊടുക്കാനുള്ള കാരണമെന്നാണ് പോലീസിന്റെ പ്രാഥമിക നിഗമനം. അനില്കുമാര് വക്കം ഫാര്മേഴ്സ് സഹകരണ ബാങ്കിലെ അക്കൗണ്ടന്റ് ആണ്. അനില്കുമാറിന് ലോണ് അടക്കമുള്ള സാമ്പത്തിക ബാധ്യതകള് ഉണ്ടെന്നാണ് പ്രാഥമികവിവരം.
Also Read; കനത്ത മഴ; സംസ്ഥാനത്ത് ട്രെയിനുകള് വൈകിയോടുന്നു
പോലീസ് സംഭവ സ്ഥലത്തെത്തിയിട്ടുണ്ട്. രാവിലെ 9 മണിയോടെയാണ് അയല്ക്കാര് ദുരന്തം നടന്ന വിവരം അറിയുന്നത്. ഇവരെ നാല് പേരെയും വീട്ടിലെ ഹാളില് തൂങ്ങി മരിച്ച നിലയിലാണ് കണ്ടെത്തിയത്. ആകാശിനും അശ്വിനും 20ഉം 25ഉം വയസാണ് പ്രായം. പോലീസ് സ്ഥലത്തെത്തി ഇന്ക്വസ്റ്റ് നടപടികള് പുരോഗമിക്കുകയാണ്.
