Malayalam 
അട്ടപ്പാടിയില് ആദിവാസി യുവാവിനെ കെട്ടിയിട്ട് മര്ദിച്ച സംഭവം; പ്രതികള് പിടിയില്
പാലക്കാട്: അട്ടപ്പാടിയില് ആദിവാസി യുവാവിനെ കെട്ടിയിട്ട് മര്ദിച്ച കേസിലെ പ്രതികള് പിടിയില്. ഷോളയൂര് സ്വദേശി റെജിന് മാത്യു, ആലപ്പുഴ സ്വദേശി വിഷ്ണുദാസ് എന്നിവരാണ് കോയമ്പത്തൂരില് നിന്ന് പിടിയിലായത്. ഇരുവരുടെയും അറസ്റ്റ് ഉടന് രേഖപ്പെടുത്തും. അട്ടപ്പാടി ഡിവൈഎസ്പി അശോകന്റെ നേതൃത്വത്തില് ഇരുവരെയും ചോദ്യം ചെയ്യല് തുടരുകയാണ്.
Also Read; ‘വി ഡി സതീശന് ചെളിവാരിയെറിഞ്ഞു, ഇനി പ്രതീക്ഷ കെ സി വേണുഗോപാലി’ലെന്ന് പി വി അന്വര്
മര്ദനമേറ്റ സിജുവിന്റെ മൊഴി വീണ്ടും രേഖപ്പെടുത്തും. വാഹനത്തിന്റെ ഡ്രൈവര്, ക്ലീനര് എന്നിവര്ക്കെതിരെ അഗളി പോലീസ് കേസ് രജിസ്റ്റര് ചെയ്തിരുന്നു. എസ് സി, എസ് ടി വിഭാഗത്തിനെതിരായ അതിക്രമം തടയല് വകുപ്പ് പ്രകാരമാണ് കേസെടുത്തിരുന്നത്. അഗളി ചിറ്റൂര് ആദിവാസി ഉന്നതിയിലെ സിജുവിനെയാണ് കെട്ടിയിട്ട് മര്ദിച്ചത്.
യുവാവിനെ വിവസ്ത്രനാക്കി ഒരുമണിക്കൂറോളം പോസ്റ്റില് കെട്ടിയിട്ട് മര്ദിച്ചുവെന്നാണ് പരാതി. കഴിഞ്ഞ ഞായറാഴ്ച്ചയാണ് വാഹനത്തിന് മുന്നിലേക്ക് ചാടിയെന്ന് ആരോപിച്ച് യുവാവിനെ പിക്കപ്പ് വാനിലെത്തിയ സംഘം മര്ദിച്ചത്. പരിക്കേറ്റ സിജു ചികിത്സയിലാണ്. സിജുവിനെ കെട്ടിയിട്ടതിന്റെ അടക്കം ദൃശ്യങ്ങള് പുറത്തുവന്നിരുന്നു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
യുവാവ് കല്ലെറിഞ്ഞ് വാഹനത്തിന്റെ ചില്ല് തകര്ത്തെന്നായിരുന്നു പ്രതികള് ആരോപിച്ചിരുന്നത്. വാഹന ഉടമയുടെ പരാതിയില് സിജുവിനെതിരെയും കേസെടുത്തിരുന്നു. യുവാവ് മദ്യപിച്ച് വാഹനത്തിലെ യാത്രക്കാരോട് തര്ക്കിക്കുന്നതിന്റെ ദൃശ്യങ്ങളും പുറത്തുവന്നിരുന്നു.
