തൃശൂര്‍: സംസ്ഥാനത്തെ പാചകവാതക ക്ഷാമം ഹോട്ടലുകളുടെ പ്രവര്‍ത്തനത്തെ കാര്യമായി ബാധിക്കുന്നു. തൃശ്ശൂര്‍ ആസ്ഥാനമായ ഇന്ത്യന്‍ കോഫിഹൗസ് ശൃംഖലയിയെും പ്രതിസന്ധി തുടങ്ങി. പാചകവാതകം സ്റ്റോക്ക് പരിമിതമായ സാഹചര്യത്തില്‍ മെനുവില്‍ ഉള്‍പ്പെടെ മാറ്റം വരുത്തി.
നിയന്ത്രണങ്ങളുടെ പശ്ചാത്തലത്തില്‍ കോഫി ഹൗസുകളില്‍ ഊണ് ഒഴിവാക്കുമെന്നാണ് റിപ്പോര്‍ട്ട്. ഉച്ച സമയത്ത് പകല്‍ 12 മുതല്‍ മൂന്നുവരെ ചായയും കോഫിയും നല്‍കില്ല.

പാചകവാതക ക്ഷാമം രൂക്ഷം; ബുക്കിങ്ങിനുള്ള ഇടവേള 45 ദിവസമാക്കി

ചോറ് ഒഴിവാക്കിയെങ്കിലും ബിരിയാണി ലഭിക്കും, ദോശ, നെയ് റോസ്റ്റ് ഐറ്റങ്ങള്‍ മെനുവില്‍ നിന്നൊഴിവാക്കി. കട്ലറ്റും വടയും ലഭിക്കും. അതേസമയം സ്ഥിതി വിലയിരുത്തിയ ശേഷം മെനുവില്‍ മാറ്റം വരുത്തുമെന്ന് ഇന്ത്യന്‍ കോഫി ഹൗസ് മാനേജര്‍ സേതു പറയുന്നു. വിറക് അടുപ്പില്‍ പുറത്തുനിന്നും ഭക്ഷണം ഉണ്ടാക്കി എത്തിക്കാനും ശ്രമമുണ്ട്. തമിഴ്നാട്ടില്‍ നിന്നും ഗ്യാസ് സിലിണ്ടറുകള്‍ എത്തിക്കാനുള്ള ശ്രമവും നടത്തുന്നുണ്ടെന്ന് അധികൃതര്‍ പറഞ്ഞു. ഒരുമാസം 45 ശാഖകളിലേക്ക് അയ്യായിരത്തോളം സിലിന്‍ഡറുകളാണ് വേണ്ടത്.