Malayalam 
ബലാത്സംഗക്കേസില് പ്രതികള്ക്ക് വധശിക്ഷ; പത്ത് ദിവസത്തിനകം ബില് പാസാക്കും: മമതാ ബാനര്ജി
കൊല്ക്കത്ത: ബലാത്സംഗക്കേസിലെ പ്രതികള്ക്ക് വധശിക്ഷ വ്യവസ്ഥ ചെയ്യുന്ന ബില് പാസാക്കുന്നതിന് നിയമസഭാ സമ്മേളനം വിളിക്കുമെന്ന് മമതാബാനര്ജി. അടുത്തയാഴ്ച തന്നെ നിയമസഭാ സമ്മേളനം വിളിച്ച് 10 ദിവസത്തിനുള്ളില് ബില് പാസാക്കുമെന്നും മുഖ്യമന്ത്രിയും തൃണമൂല് കോണ്ഗ്രസ് നേതാവുമായ മമത ബാനര്ജി പറഞ്ഞു.
ബില് നിയമസഭയില് പാസാക്കിയ ശേഷം ഗവര്ണറുടെ അംഗീകാരത്തിനായി അയക്കും. എന്നാല് ഗവര്ണര് സി.വി ആനന്ദ ബോസ് ഈ ബില് പാസാക്കുമോയെന്നതില് സംശയമുണ്ട്. അതിനാല് ബില് പാസാക്കിയില്ലെങ്കില് രാജ്ഭവന് പുറത്ത് പ്രതിഷേധിക്കുമെന്നും അദ്ദേഹത്തിന് ഉത്തരവാദിത്തത്തില് നിന്ന് ഒഴിഞ്ഞുമാറാന് കഴിയില്ലെന്നും മമത ബാനര്ജി പറഞ്ഞു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
ആര്ജി കര് മെഡിക്കല് കോളേജില് ട്രെയിനി ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തില് സംസ്ഥാനത്ത് പ്രതിഷേധം തുടരുന്നതിനിടെയാണ് മുഖ്യമന്ത്രിയുടെ പ്രതികരണം.
