Malayalam 
നടിയുടെ പരാതി; മണിയന്പിള്ള രാജുവിനെതിരെ സാഹചര്യത്തെളിവുകളുണ്ടെന്ന് അന്വേഷണ സംഘം
കൊച്ചി: ആലുവ സ്വദേശിനിയായ നടിയുടെ പരാതിയില് നടന് മണിയന്പിള്ള രാജുവിനെതിരെ കുറ്റപത്രം സമര്പ്പിച്ച് അന്വേഷണസംഘം. കേസില് പ്രത്യേക അന്വേഷണ സംഘം എറണാകുളം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയിലാണ് കുറ്റപത്രം സമര്പ്പിച്ചിരിക്കുന്നത്. നടനെതിരെ സാഹചര്യത്തെളിവുകളുണ്ടെന്നാണ് അന്വേഷണസംഘം പറയുന്നത്. നടനും എം എല് എയുമായ മുകേഷിനെതിരെ ഡിജിറ്റല് തെളിവുകളുണ്ടെന്നും കുറ്റപത്രത്തില് പറയുന്നു.
നേരത്തെ നടിയുടെ പരാതിയില് നടന്മാരായ മുകേഷ്, ഇടവേള ബാബു അഡ്വ വി എസ് ചന്ദ്രശേഖരന് എന്നിവരുടെ പേരില് ബലാത്സംഗത്തിനും സ്ത്രീത്വത്തെ അപമാനിച്ചതിന് നടന് മണിയന്പിള്ള രാജു, പ്രൊഡക്ഷന് കണ്ട്രോളര്മാരായ വിച്ചു, നോബിള് എന്നിവരുടെ പേരിലുമാണ് കേസെടുത്തിരിക്കുന്നത്. മരടിലെ വില്ലയില് വെച്ച് നടിയെ പീഡിപ്പിച്ചു എന്ന പരാതിയിലാണ് മുകേഷിനെതിരെ കുറ്റപത്രം സമര്പ്പിച്ചിരിക്കുന്നത്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
