Malayalam 
സ്വര്ണക്കൊള്ള; കടകംപള്ളി സുരേന്ദ്രനെ വീണ്ടും ചോദ്യം ചെയ്യാന് എസ്ഐടി
തിരുവനന്തപുരം: ശബരിമല സ്വര്ണക്കൊള്ളക്കേസില് മുന് ദേവസ്വം വകുപ്പ് മന്ത്രി കടകംപള്ളി സുരേന്ദ്രനെ വീണ്ടും ചോദ്യം ചെയ്യാന് എസ്ഐടി. കടകംപള്ളിയുടെ ആദ്യ മൊഴി തൃപ്തികരമല്ലെന്ന വിലയിരുത്തലിലാണ് അന്വേഷണ സംഘം. സ്പോണ്സര് എന്ന നിലയില് മാത്രമാണ് ഉണ്ണികൃഷ്ണന് പോറ്റിയെ അറിയുകയുള്ളൂ എന്നായിരുന്നു കടകംപള്ളി സുരേന്ദ്രന്റെ ആദ്യത്തെ മൊഴി.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ദ്വാരപാലക ശില്പങ്ങളിലെ സ്വര്ണം പൂശല് അടക്കം തീരുമാനങ്ങളെല്ലാം ദേവസ്വം ബോര്ഡിന്റേതായിരുന്നുവെന്നും വകുപ്പിന് ഇതേപ്പറ്റി യാതൊരു അറിവുമില്ലായിരുന്നുവെന്നും കടകംപള്ളി നേരത്തേ മൊഴി നല്കിയിരുന്നു. എന്നാല് പോറ്റിയുടെ വീട്ടില് കടകംപള്ളി പോയതിന്റെ വിവരങ്ങള് പുറത്തുവന്ന പശ്ചാത്തലത്തില് അതും അന്വേഷണ പരിധിയില് ഉള്പ്പെടുത്തിയിരിക്കുകയാണ് എസ്ഐടി. വിശദമായ പരിശോധനയ്ക്ക് ശേഷം വീണ്ടും ചോദ്യം ചെയ്യാന് വിളിപ്പിക്കാനാണ് അന്വേഷണ സംഘത്തിന്റെ തീരുമാനം.