Malayalam 
കളമശ്ശേരി സ്ഫോടനം: കണ്ണൂരില് ഗുജറാത്ത് സ്വദേശി കസ്റ്റഡിയില് – വീഡിയോ കാണാം
കണ്ണൂര്: കളമശ്ശേരി സ്ഫോടനവുമായി ബന്ധപ്പെട്ട് സംസ്ഥാന വ്യാപകമായി നടത്തിയ പരിശോധനയ്ക്കിടെ കണ്ണൂരില് ഒരാളെ പോലീസ് കസ്റ്റഡിയിലെടുത്തു. ബാഗ് പരിശോധിക്കുന്നതിനിടെ സംശയം തോന്നിയാണ് കസ്റ്റഡിയിലെടുത്തത്. ഇയാള് ഗുജറാത്ത് സ്വദേശിയാണ് എന്നാണ് റിപ്പോര്ട്ടുകള്. അതേസമയം, കളമശ്ശേരിയിലെ സ്ഫോടനത്തില് കൊല്ലപ്പെട്ട സ്ത്രീയെ തിരിച്ചറിഞ്ഞു. ലിബിനയാണ് മരിച്ചത്. കൂടുതല് വിവരങ്ങള് പുറത്തുവന്നിട്ടില്ല.
Also Read; കളമശ്ശേരിയിലെ സ്ഫോടനത്തിന് ഉപയോഗിച്ചത് ടൈമര് ബോംബാണെന്ന് പോലീസ് സ്ഥിരീകരിച്ചു
കളമശേരിയില് കണ്വെന്ഷന് സെന്ററിലുണ്ടായ സ്ഫോടനത്തില് ഒരു സ്ത്രീ മരിക്കുകയും നിരവധിപ്പേര്ക്ക് പരിക്കേല്ക്കുകയും ചെയ്തിട്ടുണ്ട്. ഇന്നു രാവിലെ ഒമ്പതരയോടെ യാഹോവ സാക്ഷികളുടെ കണ്വെന്ഷന് നടന്ന സാമ്രാ ഇന്റര്നാഷനല് കണ്വെന്ഷന് സെന്ററിലാണ് സ്ഫോടനമുണ്ടായത്. 2000 ല് പരം ആളുകള് ഹാളിലുണ്ടായിരുന്നുവെന്നാണു വിവരം.
സ്ഫോടനത്തെ തുടര്ന്ന് പ്രധാന സ്ഥലങ്ങളിലെല്ലാം 24 മണിക്കൂറും പോലീസ് പട്രോളിങ് ഉറപ്പാക്കി. ഷോപ്പിങ് മാള്, ചന്തകള്, കണ്വെന്ഷന് സെന്ററുകള്, വിനോദ സഞ്ചാര കേന്ദ്രങ്ങള്, പ്രാര്ഥനാലയങ്ങള് തുടങ്ങീ ആള്ക്കൂട്ടം ചേരുന്ന സ്ഥലങ്ങള് എന്നിവിടങ്ങളില് പരിശോധന കര്ശനമാക്കണമെന്നും പോലീസ് ഉന്നത ഉദ്യോഗസ്ഥര്ക്ക് ഡി ജി പി നിര്ദേശം നല്കിയിട്ടുണ്ട്.
Join with metro post: വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
