Malayalam 
കളിത്തോക്കുമായി ട്രെയിന്‍ യാത്രക്കാരെ പരിഭ്രാന്തിയിലാക്കി; മലയാളി യുവാക്കളെ ആര്‍പിഎഫ് വളഞ്ഞിട്ട് പിടിച്ചു
ചെന്നൈ: ട്രെയിനില്‍ കളിത്തോക്കുമായി കയറി യാത്രക്കാരെ ഭീഷണിപ്പെടുത്തിയ നാല് മലയാളി യുവാക്കള്‍ അറസ്റ്റില്‍. മലപ്പുറം സ്വദേശി അമീന്‍ ഷെരീഫ് (19), കണ്ണൂര്‍ സ്വദേശി അബ്ദുല്‍ റസീഖ് (24), പാലക്കാട് സ്വദേശി ജപല്‍ ഷാ (18), കാസര്‍കോട് സ്വദേശി മുഹമ്മദ് (20) എന്നിവരാണ് അറസ്റ്റിലായത്. പാലക്കാട്-തിരുച്ചെണ്ടൂര്‍ പാസഞ്ചര്‍ ട്രെയ്‌നിലാണ് സംഭവം. ഉച്ചയോടെ കൊടൈക്കനാല്‍ റോഡ് റെയില്‍വേ സ്റ്റേഷനില് വച്ചാണ് പോലീസ് ഇവരെ അറസ്റ്റ് ചെയ്തത്.
വാർത്തകൾ വേഗത്തിലറിയാൻ Metro Post വാട്സ്ആപ്പ് ചാനലിൽ അംഗമാകൂ..
കളിത്തോക്കില്‍ തിര നിറയ്ക്കുന്നതായി കാണിച്ചതോടെ യാത്രക്കാര്‍ പരിഭ്രാന്തരാവകുയം റെയില്‍വേ കണ്‍ട്രോള്‍ റൂമില്‍ പരാതിപ്പെടുകയും ചെയ്തു. തുടര്‍ന്ന് ആര്‍പിഎഫ് സംഘമെത്തി ട്രെയിന്‍ വളഞ്ഞു. അപകടം മണത്ത യുവാക്കള്‍ ഓടി രക്ഷപ്പെടാന്‍ ശ്രമിച്ചെങ്കിലും ഇവരെ പിടികൂടുകയുമായിരുന്നു. റെയില്‍വേ പോലീസ് ഇവരെ ചോദ്യം ചെയ്തു വരികയാണ്.
