Malayalam 
ബംഗ്ലാദേശ് പ്രധാനമന്ത്രി ഷെയ്ഖ് ഹസീനയുടെ രാജി ആവശ്യപ്പെട്ട് വന് പ്രതിഷേധം
ധാക്ക: ബംഗ്ലാദേശ് പ്രധാനമന്ത്രി ഷെയ്ഖ് ഹസീനയുടെ രാജി ആവശ്യപ്പെട്ട് ഒരു ലക്ഷത്തിലധികം ആളുകള് രാജ്യത്ത് പ്രതിഷേധം നടത്തി. നിക്ഷ്പക്ഷ സര്ക്കാരിന് കീഴില് സ്വതന്ത്രവും നീതിയുക്തവുമായ വോട്ട് അനുവദിക്കുന്നതിനായി ഹസീന സ്ഥാനമൊഴിയണമെന്നാണ് പ്രതിഷേധക്കാരുടെ ആവശ്യം. ബംഗ്ലാദേശിലെ രണ്ട് പ്രധാന പ്രതിപക്ഷ പാര്ട്ടികളുടെ നേതൃത്വത്തില് 1,00,000 അനുയായികളാണ് ഇന്ന് തലസ്ഥാനമായ ധാക്കയില് റാലി നടത്തിയത്.
പ്രധാന പ്രതിപക്ഷമായ ബംഗ്ലാദേശ് നാഷണലിസ്റ്റ് പാര്ട്ടിയും (ബിഎന്പി) ഏറ്റവും വലിയ ഇസ്ലാമിസ്റ്റ് പാര്ട്ടിയായ ജമാഅത്തെ ഇസ്ലാമിയും നടത്തിയ റാലികളാണ് ഈ വര്ഷം ഇതുവരെ നടന്ന ഏറ്റവും വലിയ റാലികളെന്നാണ് മാധ്യമ റിപ്പോര്ട്ടുകള്. പ്രതിശീര്ഷ ജിഡിപിയില് ബംഗ്ലാദേശ് അയല്രാജ്യമായ ഇന്ത്യയെ മറികടന്ന് ദ്രുതഗതിയിലുള്ള സാമ്പത്തിക വളര്ച്ചയ്ക്ക് മേല്നോട്ടം വഹിച്ചു. എന്നാല് പണപ്പെരുപ്പം ഉയര്ന്നു, അവരുടെ സര്ക്കാര് അഴിമതിയും മനുഷ്യാവകാശ ലംഘനവും നടത്തി എന്നാണ് പ്രതിപക്ഷം പറയുന്നത്
Also Read; സുരേഷ് ഗോപിക്കെതിരെ പോലീസില് പരാതി നല്കി മാധ്യമ പ്രവര്ത്തക
ബിഎന്പിയുടെ നേതാവായ ഖാലിദ സിയ അഴിമതി ആരോപണത്തില് ശിക്ഷിക്കപ്പെട്ടതിന് ശേഷം വീട്ടുതടങ്കലിലാണ്. ഹസീന സര്ക്കാര് ഉടന് രാജിവയ്ക്കണമെന്നും ഞങ്ങളുടെ നേതാവ് ഖാലിദ സിയയെ മോചിപ്പിക്കണമെന്നും ജനങ്ങളുടെ വോട്ടവകാശം സ്ഥാപിക്കണമെന്നും പ്രതിഷേധക്കാര് ആവശ്യപ്പെട്ടു. രാജ്യത്തിന്റെ സ്ഥാപക നേതാവിന്റെ മകളായ ഹസീന കഴിഞ്ഞ 15 വര്ഷമായി അധികാരത്തിലുണ്ട്.
