Malayalam 
മമ്മുട്ടി കമ്പനിയുടെ ‘കാതല്‍ ദ കോര്‍’ സിനിമയുടെ ട്രെയിലര്‍ പുറത്തിറങ്ങി
കണ്ണൂര്‍ സ്‌ക്വാഡ് എന്ന ബ്ലോക്ബസ്റ്റര്‍ ഹിറ്റ് സിനിമയ്ക്ക് ശേഷം മമ്മൂട്ടി കമ്പനിയുടെ കാതല്‍ ദ കോര്‍ എന്ന സിനിമയുടെ ഒഫിഷ്യല്‍ ട്രെയിലര്‍ പുറത്തിറങ്ങി.മമ്മൂട്ടിയും ജ്യോതികയുമാണ് കേന്ദ്ര കഥാപാത്രങ്ങള്‍. കഴിഞ്ഞ ദിവസം പുറത്തിറങ്ങിയ ചിത്രത്തിലെ ‘എന്നും എന്‍ കാവല്‍’ എന്ന പാട്ടിന്റെ ലിറിക്കല്‍ വീഡിയോയുലൂടെ സിനിമയുടെ മൂഡ് ഏത് തരത്തിലാണ് എന്ന് പ്രെഡിക്ട് ചെയ്തതും ഇതുവരെ പറഞ്ഞതും ഒന്നുമല്ല സിനിമ എന്ന് ട്രെയിലര്‍ നമുക്ക് കാണിച്ചുതരുന്നുണ്ട്.
പ്രണയത്തിനും ബന്ധത്തിനും എല്ലാം പ്രാധാന്യം നല്‍കുന്ന സിനിമയാണ് ജിയോ ബേബി ഒരുക്കുന്നത്, കാതല്‍ ദ കോര്‍ എന്ന പേരില്‍ തന്നെ എല്ലാമുണ്ട് എന്ന തരത്തിലായിരുന്നു തുടക്കത്തിലുള്ള വാര്‍ത്തകള്‍. എന്നാല്‍ ആ പ്രണയമൊന്നും ട്രെയിലറില്‍ ഫീല്‍ ചെയ്യാന്‍ കഴിയുന്നില്ല.
Also Read; രാഹുല്‍ മാങ്കൂട്ടത്തില്‍ യൂത്ത് കോണ്ഗ്രസ് സംസ്ഥാന അധ്യക്ഷന്‍
രാഷ്ട്രീയം, കുടുംബം, ദാമ്പത്യം, ബന്ധം, അതിലെ വിള്ളലുകള്‍, പൊരുത്തക്കേടുകള്‍ അങ്ങനെ ഒരുപാട് കാര്യങ്ങളാണോ സിനിമ സംസാരിക്കുന്നത് എന്ന് 1 മിനിട്ട് 48 സെക്കന്റ് ദൈര്‍ഘ്യമുള്ള ട്രെയിലര്‍ കാണുമ്പോള്‍ തോന്നിപ്പോകും.
