രണ്ട് ഘട്ട പരീക്ഷ രീതി ഉപേക്ഷിച്ച് പിഎസ്സി
![](https://metropostkerala.com/wp-content/uploads/2023/10/psckeralametropostkerala-991x564.jpg)
പത്താം ക്ലാസ് അടിസ്ഥാനയോഗ്യതയായ തസ്തികകളിലേക്ക് രണ്ടുഘട്ടമായി പരീക്ഷ നടത്തുന്ന രീതി ഉപേക്ഷിച്ച് പിഎസ് സി. എല് ഡി ക്ലാര്ക്ക് ലാസ്റ്റ് ഗ്രേഡ് തസ്തികകളിലേക്ക് ഉള്പ്പെടെ ഇനിമുതല് ഒരു പരീക്ഷ മാത്രമേ ഉണ്ടാകൂ. രണ്ട് ഘ്ട്ടമായി നടത്തിയ പരീക്ഷ സാമ്പത്തികമായി വലിയ തിരിച്ചടിയായതോടെയാണ് പ്രാഥമിക പരീക്ഷകള് ഒഴിവാക്കാന് പിഎസ് സി തീരുമാനിച്ചത്.
എല്ലാ പോസ്റ്റുകളിലേക്കും രണ്ടു പരീക്ഷകളാണ് നടത്തിയിരുന്നത്. ഇതിലൂടെ പിഎസ് സിക്ക് ലക്ഷങ്ങളാണ് നഷ്ടമായത്. അതേ സമയം ഉദ്യോഗാര്ത്ഥികള്ക്ക് രണ്ടു പരീക്ഷകള് എഴുതേണ്ട അവസ്ഥയും ഉണ്ടായി. ഇതോടെയാണ് കൂടുതല് ഉദ്യോഗാര്ഥികള് അപേക്ഷിക്കുന്ന പരീക്ഷകള്ക്ക് പ്രാഥമിക പരീക്ഷ ഒഴിവാക്കാന് പിഎസ് സി തീരുമാനിച്ചിരിക്കുന്നത്. ഇന്നലെ ചേര്ന്ന കമീഷന് യോഗമാണ് ഇതുസംബന്ധിച്ച് അന്തിമ തീരുമാനം കൈക്കൊണ്ടത്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
മുന് ചെയര്മാന്റെ കാലത്ത് അപേക്ഷകരെ കുറച്ച് വേഗത്തില് റാങ്ക് ലിസ്റ്റ് പ്രസിദ്ധീകരിക്കുക എന്ന ലക്ഷ്യത്തോടെയാണ് യുപിഎസ് സി മാതൃകയില് പരീക്ഷകള് രണ്ടുഘട്ടമാക്കി മാറ്റിയത്. ഈ തീരുമാനത്തിനെതിരെ അന്നുതന്നെ പിഎസ്സിക്കുള്ളിലും ഉദ്യോഗാര്ത്ഥികള്ക്കിടയും വലിയ പ്രതിഷേധങ്ങള് ഉണ്ടായിരുന്നു.
ആദ്യഘട്ടത്തില് വിവിധ ജില്ലകളിലെ വിവിധ വകുപ്പുകളില് ക്ലര്ക്ക് (എല്.ഡി ക്ലര്ക്ക്), ലാസ്റ്റ് ഗ്രേഡ് സര്വന്റ്സ് തസ്തികകളാണ് പ്രാഥമിക പരീക്ഷയില്നിന്ന് ഒഴിവാക്കുന്നത്. നവംബര് 30ന് ക്ലര്ക്ക് തസ്തികയുടെ വിജ്ഞാപനവും ഡിസംബറില് ലാസ്റ്റ് ഗ്രേഡ് സര്വന്റ്സ് തസ്തികയുടെ വിജ്ഞാപനവും പ്രസിദ്ധീകരിക്കും.
Also Read; ഇസ്രയേലില് ആശുപത്രികള്ക്ക് നേരെ വീണ്ടും ആക്രമണം അവസാനിക്കാതെ ക്രൂരത