നവകേരള സദസ്സിന് സ്കൂള് കുട്ടികളെ എത്തിക്കാന് നിര്ദേശം
![](https://metropostkerala.com/wp-content/uploads/2023/11/navakerala-sadas-1-991x564.jpg)
മലപ്പുറം: നവകേരള സദസിന് ആളെ കൂട്ടാന് സ്കൂള് കുട്ടികളെ എത്തിക്കണമെന്ന് നിര്ദേശം നല്കി വിദ്യാഭ്യാസ വകുപ്പ്. തിരൂരങ്ങാടി ഡിഇഒ കഴിഞ്ഞ ദിവസം വിളിച്ച് ചേര്ത്ത യോഗത്തിലാണ് നവകേരള സദസിന് കുട്ടികളെ എത്തിക്കാന് പ്രധാനധ്യാപകര്ക്ക് നിര്ദേശം നല്കിയത്. കുറഞ്ഞത് 200 കുട്ടികള് എങ്കിലും ഓരോ സ്കൂളില് നിന്നും വേണമെന്നാണ് നിര്ദ്ദേശം നല്കിയിരിക്കുന്നത്. കൂടാതെ അച്ചടക്കമുള്ള കുട്ടികളെ മാത്രം കൊണ്ടുപോയാല് മതിയെന്നും നിര്ദേശമുണ്ട്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
അതേസമയം നവകേരളയാത്രയ്ക്കായി സ്കൂള് ബസുകള് വിട്ട് നല്കാനുള്ള പൊതുവിദ്യാഭ്യാസ ഡയറക്ടറുടെ ഉത്തരവ് ഇന്നലെ ഹൈക്കോടതി സ്റ്റേ ചെയ്തിരുന്നു. കോടതി അനുമതി ഇല്ലാതെ ബസ് വിട്ട് നല്കരുതെന്നാണ് ജസ്റ്റിസ് ദേവന് രാമചന്ദ്രന് ഉത്തരവിട്ടത്. സ്കൂള് ബസുകള് പൊതുയാത്രയ്ക്ക് ഉപയോഗിക്കാന് മോട്ടോര് വാഹന നിയമം അനുവദിക്കുന്നുണ്ടോ എന്ന് വ്യക്തമാക്കാനും കോടതി സര്ക്കാറിന് നിര്ദ്ദേശം നല്കിയിട്ടുണ്ട്.