നരഭോജി കടുവയെ തിരിച്ചറിഞ്ഞു; വെടിവെച്ച് കൊല്ലാനുള്ള നടപടികളുമായി എ കെ ശശീന്ദ്രന്
![](https://metropostkerala.com/wp-content/uploads/2023/12/tiger-minister-991x564.jpg)
കോട്ടയം: വയനാട്ടിലെ അക്രമകാരിയായ കടുവയെ വനം വകുപ്പ് തിരിച്ചറിഞ്ഞു. വെടിവെച്ചുകൊല്ലാന് നടപടികളുമായി മുന്നോട്ടുപോകുമെന്ന് വനം വന്യജീവി വകുപ്പ് മന്ത്രി എ കെ ശശീന്ദ്രന് പറഞ്ഞു. വനം വകുപ്പിന്റെ ഡാറ്റ ബേസില് ഉള്പ്പെട്ട 13 വയസ്സ് പ്രായമുള്ള wwl 45 എന്ന ഇനത്തില്പ്പെട്ട ആണ് കടുവയാണ് ആക്രമിച്ചതെന്ന് തിരിച്ചറിഞ്ഞിട്ടുള്ളതിനാല് വെടിവെച്ച് കൊല്ലാന് ചീഫ് വൈല്ഡ് ലൈഫ് വാര്ഡന് ഉത്തരവിട്ടിട്ടുണ്ടെന്ന് മന്ത്രി പറഞ്ഞു.
വയനാട്ടില് കടുവയുടെ അക്രമണത്തില് ശനിയാഴ്ചയാണ് ബത്തേരി വാകേരിയില് കൂടല്ലൂര് മൂടക്കൊല്ലി സ്വദേശി മരോട്ടിതറപ്പില് പ്രജീഷ് കൊല്ലപ്പെട്ടത്. പുല്ലരിയാന് പോയ പ്രജീഷിനെ കാണാതായതോടെ വീട്ടുകാര് അന്വേഷിച്ചപ്പോഴാണ് വയലില് മൃതദേഹം കണ്ടെത്തിയത്.
Also Read; കെ ബി ഗണേഷ്കുമാറും കടന്നപ്പളളി രാമചന്ദ്രനും മന്ത്രിസഭയിലേക്ക്
അതിനാല് കടുവ ശക്തമായ നിരീക്ഷണത്തിലാണെന്നും ഇതിനായി 25 ക്യാമറകളും രണ്ട് കൂടും സജ്ജമാണ്. അഞ്ചു പട്രോളിങ് ടീമും ഷൂട്ടേഴ്സും ഡോക്ടര്മാരും പ്രദേശത്ത് ഉണ്ടെന്നും ഉദ്യോഗസ്ഥര് സ്വീകരിക്കുന്ന നടപടികളുമായി ജനങ്ങള് സഹകരിക്കണമെന്നും മന്ത്രി പറഞ്ഞു. കടുവയ്ക്കായുള്ള തിരച്ചിലിനായി വനം വകുപ്പിന്റെ 80 അംഗ സ്പെഷ്യല് ടീം ഇന്ന് വയനാട്ടിലെത്തും. കടുവയെ പിടികൂടുന്നതിനായി കൂടുതല് ക്യാമറകള്, കൂടുതല് തോക്ക് എന്നിവയും വനം വകുപ്പ് അനുവദിച്ചിട്ടുണ്ട്.