മുന്‍കേന്ദ്രമന്ത്രിയും കോണ്‍ഗ്രസ് നേതാവുമായ മിലിന്ദ് ദിയോറ കോണ്‍ഗ്രസില്‍ നിന്നും രാജി വെച്ചു. ‘രാഷ്ട്രീയ യാത്രയിലെ സുപ്രധാനമായ ഒരു അധ്യായത്തിന് ഇന്ന് സമാപനമായെന്നും 55 വര്‍ഷം നീണ്ട കോണ്‍ഗ്രസ് ജീവിതം അവസാനിപ്പിക്കുന്നുവെന്നും’ മിലിന്ദ് ദിയോറ എക്സിലൂടെയാണ് പ്രഖ്യാപിച്ചത്. ശിവസേന ഷിന്‍ഡെ വിഭാഗത്തിലേക്കാണെന്നാണ് മിലിന്ദ് ദിയോറ ഇനി ചേക്കേറുന്നതെന്നാണ് റിപ്പോര്‍ട്ടുകള്‍.

Also Read ; അധ്യാപകന്റെ കൈവെട്ടിയ കേസ്; പ്രാദേശിക എസ്ഡിപിഐ പ്രവര്‍ത്തകര്‍ എന്‍ഐഎ നിരീക്ഷണത്തില്‍

ലോക്സഭാ തെരഞ്ഞെടുപ്പിന് മാസങ്ങള്‍ ശേഷിക്കെ ദക്ഷിണ മുംബൈ സീറ്റിനെ ചൊല്ലിയുള്ള തര്‍ക്കമാണ് പാര്‍ട്ടിയുടെ മുന്‍ മുംബൈ പ്രസിഡന്റുകൂടിയായിരുന്ന മിലിന്ദ് ദിയോറയെ മാറി ചിന്തിപ്പിച്ചതെന്നാണ് വിവരം. ഇന്ത്യാ സഖ്യത്തിന്റെ സീറ്റ് വിഭജനചര്‍ച്ചയ്ക്ക് മുന്നോടിയായി ഈ സീറ്റ് വിട്ടുതരില്ലെന്ന് ശിവസേന ഉദ്ധവ് പക്ഷം വ്യക്തമാക്കിയപ്പോള്‍ ഇതിനെതിരേ മിലിന്ദ് ദിയോറയും പ്രതികരിച്ചു. എന്നാല്‍, സഖ്യചര്‍ച്ചയില്‍ സീറ്റ് ശിവസേനയ്ക്ക് നല്‍കാന്‍ ധാരണയായതാണ് മിലിന്ദ് പാര്‍ട്ടിവിടാന്‍ കാരണമെന്നാണ് സൂചന.

Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം