മഹാരാജാസ് കോളേജില് വീണ്ടും സംഘര്ഷം; എസ്എഫ്ഐ യൂണിറ്റ് സെക്രട്ടറിക്ക് കുത്തേറ്റു
![](https://metropostkerala.com/wp-content/uploads/2023/10/cr-991x564.jpg)
കൊച്ചി: മഹാരാജാസ് കോളേജില് വീണ്ടുമുണ്ടായ സംഘര്ഷത്തില് ഒരാള്ക്ക് കുത്തേറ്റു. എസ്എഫ്ഐ യൂണിറ്റ് സെക്രട്ടറി നാസര് അബ്ദുള് റഹ്മാനാണ് കുത്തേറ്റത്. പുലര്ച്ചെ ഒരു മണിയോടെയുണ്ടായ അക്രമണത്തിന് പിന്നില് ഫ്രറ്റേണിറ്റി പ്രവര്ത്തകരാണെന്ന് എസ്എഫ്ഐ ആരോപിച്ചു.
വിദ്യാര്ത്ഥിയുടെ കാലിനും വയറിന്റെ ഭാഗത്തും കൈക്കും കുത്തേറ്റിട്ടുണ്ട്. ഉടന് തന്നെ ജനറല് ആശുപത്രിയില് എത്തിച്ച് ചികിത്സ നല്കി. തുടര്ന്ന് ഐസിയുവിലുള്ള വിദ്യാര്ത്ഥിയെ എറണാകുളം മെഡിക്കല് ട്രസ്റ്റ് ആശുപത്രിയിലേക്ക് മാറ്റിയെങ്കിലും അപകടനില തരണം ചെയ്തിട്ടില്ല.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
കഴിഞ്ഞ ദിവസങ്ങളില് കോളേജില് എസ്എഫ്ഐ-ഫ്രറ്റേണിറ്റി പ്രവര്ത്തകര് തമ്മില് സംഘര്ഷത്തില് ഒമ്പത് പ്രവര്ത്തകര്ക്ക് പരിക്കേറ്റിരുന്നു. കോളേജ് യൂണിയന് തിരഞ്ഞെടുപ്പുമായി ബന്ധപ്പെട്ട പ്രശ്നങ്ങളാണ് സംഘര്ഷത്തില് കലാശിച്ചത്. പിന്നാലെ ഫ്രറ്റേണിറ്റി പ്രവര്ത്തകരായ ചില വിദ്യാര്ത്ഥികളെ സസ്പെന്ഡ് ചെയ്തിരുന്നു.