Malayalam 
രാഹുലിന്റെ ഭാരത് ജോഡോ യാത്രയ്ക്ക് ചെലവ് 71.8 കോടി
ന്യൂഡല്ഹി: രാഹുല് ഗാന്ധിയുടെ നേതൃത്വത്തില് ഇന്ത്യന് നാഷണല് കോണ്ഗ്രസ് നടത്തിയ ഭാരത് ജോഡോ യാത്രയ്ക്ക് ചെലവായത് 71.8 കോടി രൂപ. 2022 സെപ്തംബര് മുതല് 2023 ജനുവരിവരെ കന്യാകുമാരിയില് നിന്നും കശ്മീര് വരെ 4000 കിലോമീറ്റര് കാല്നടയായി രാഹുല് നടത്തിയ യാത്ര സംഘടനാപരമായി കോണ്ഗ്രസിന് വലിയ ഉണര്ച്ചയാണ് നല്കിയത്.
കോണ്ഗ്രസിന്റെ വാര്ഷിക ചെലവിന്റെ 15.3 ശതമാനമാണ് ഭാരത് ജോഡോ യാത്രക്കായി ചെലവിട്ടത്. 2021-22 കാലയളവില് കോണ്ഗ്രസിന് ലഭിച്ച സംഭാവന 541കോടി രൂപയാണ്. 2022-23 ല് ലഭിച്ചത് 452 കോടിയുമാണ്. ആ കാലയളവില് കോണ്ഗ്രസിന്റെ ചെലവ് യഥാക്രമം 400 കോടിയും, 467 കോടിയുമായിരുന്നു. തെരഞ്ഞെടുപ്പ് കമ്മീഷന്റെ ഓഡിറ്റ് റിപ്പോര്ട്ടിലാണ് ഈ വിശദാംശങ്ങള് ഉള്ളത്.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
