വടക്കാഞ്ചേരി: ഉത്രാളിക്കാവ് പൂരത്തോടനുബന്ധിച്ച് നാളത്തെ സാംപിള്‍ വെടിക്കെട്ടിനും ചൊവ്വ, ബുധന്‍ ദിവസങ്ങളിലെ പൂരം വെടിക്കെട്ടിനും നിയന്ത്രണങ്ങളോടെ ജില്ലാ ഭരണകൂടം അനുമതി നല്‍കി. കഴിഞ്ഞ രണ്ട് വര്‍ഷങ്ങളില്‍ നല്‍കിയ സമാന അനുമതിയാണ് ഈ വര്‍ഷവും നല്‍കിയിരിക്കുന്നത്. ഇതുസംബന്ധിച്ച ഉത്തരവ് ഇന്ന് ഇറങ്ങും. നാളെ വൈകീട്ട് 7.30നുള്ള സാംപിള്‍ വെടിക്കെട്ട് വടക്കാഞ്ചേരി ദേശവും പൂര ദിവസമായ ചൊവ്വാഴ്ച വൈകീട്ട് 7.30നുള്ള വെടിക്കെട്ട് എങ്കക്കാട് ദേശവും ബുധനാഴ്ച പുലര്‍ച്ചെയുള്ള വെടിക്കെട്ട് കുമരനെല്ലൂര്‍ ദേശവുമാണ് നടത്തുക. വെടിക്കെട്ടിന് അനുമതി നല്‍കാന്‍ ധാരണയായെന്ന് ജില്ലാ ഭരണകൂടം പൂരം ഏകോപനസമിതിയെ ഇന്നലെ വൈകീട്ട് വാക്കാല്‍ അറിയിക്കുകയായിരുന്നു.

Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം