Malayalam 
മൈസൂരുവില് വാഹനാപകടത്തില് മലയാളി വിദ്യാര്ഥിനിയുള്പ്പെടെ മൂന്ന് മരണം
ബെംഗളൂരു: മൈസൂരുവില് വാഹനാപകടത്തില് മലയാളി വിദ്യാര്ഥിനിയുള്പ്പെടെ മൂന്ന് മരണം. കാര് സ്കൂട്ടറിലിടിച്ചുണ്ടായ അപകടത്തില് തൃശ്ശൂര് കണ്ടശ്ശാംകടവ് കൂട്ടാല വീട്ടില് ബിജു-സവിത ദമ്പതികളുടെ മകള് ശിവാനി (21), സുഹൃത്ത് മൈസൂരു സ്വദേശിയായ ഉല്ലാസ് (23) ഭക്ഷണവിതരണ ജീവനക്കാരനായ മറ്റൊരു മൈസൂരു സ്വദേശി എന്നിവരാണ് മരിച്ചത്. ശനിയാഴ്ച രാത്രിയായിരുന്നു ഈ അപകടം. മൈസൂരുവിലെ അമൃത വിശ്വവിദ്യാപീഠത്തിലെ അവസാനവര്ഷ ബിസിഎ വിദ്യാര്ഥിനിയായിരുന്നു ശിവാനി.
Also Read ; ജഗന് റെഡ്ഡിയെ കല്ലെറിഞ്ഞവരെക്കുറിച്ച് വിവരം നല്കിയാല് രണ്ട് ലക്ഷം രൂപ പാരിതോഷികം പഖ്യാപിച്ച് പൊലീസ്
മൈസൂരു ജയലക്ഷ്മിപുരം ജെ സി റോഡില്വെച്ച് ഉല്ലാസും ശിവാനിയും സഞ്ചരിച്ചിരുന്ന സ്കൂട്ടറില് നിയന്ത്രണം വിട്ടെത്തിയ കാറിടിക്കുകയായിരുന്നു. ആശുപത്രിയിലെത്തിക്കുമ്പോഴേക്കും രണ്ടുപേരും മരിച്ചിരുന്നു. ഇവരുടെ സ്കൂട്ടറുള്പ്പെടെ മൂന്ന് ഇരുചക്ര വാഹനങ്ങളെ കാര് ഇടിച്ചുതെറിപ്പിച്ചു. അതിലൊരു വാഹനത്തില് സഞ്ചരിച്ചിരുന്നയാളാണ് ഭക്ഷണവിതരണക്കാരന്.
അപകടത്തില് വി വി പുരം ട്രാഫിക് പൊലീസ് കേസെടുത്തു. ശിവാനിയുടെ മൃതദേഹം അപ്പോളോ ആശുപത്രിയിലെ പോസ്റ്റ്മോര്ട്ടത്തിനുശേഷം സ്വദേശത്തേക്കു കൊണ്ടുപോയി. സംസ്കാരം ചൊവ്വാഴ്ച നടക്കും. സഹോദരങ്ങള്: അശ്വതി, അര്ജുന്.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
