അംബാല: ഹരിയാന അംബാലയില്‍ മിനി ബസില്‍ ട്രക്ക് ഇടിച്ച് ഏഴ് പേര്‍ മരിച്ചു. അപകടത്തില്‍ 25 പേര്‍ക്ക് പരിക്കേറ്റു. മരിച്ചവര്‍ ഏഴ്‌പേരും ഒരേ കുടുംബത്തിലുള്ളവരാണ്.വൈഷ്‌ണോ ദേവി തീര്‍ത്ഥാടന കേന്ദ്രത്തിലേക്ക് പോയ തീര്‍ത്ഥാടക സംഘം സഞ്ചരിച്ച ബസിലാണ് അംബാല-ഡല്‍ഹി-ജമ്മു ദേശീയപാതയില്‍ വെച്ച് ട്രക്ക് ഇടിച്ചത്.എന്നാല്‍ അപകടത്തിന് കാരണം ഡ്രൈവറുടെ അശ്രദ്ധയാണെന്നാണ് അപകടത്തില്‍പ്പെട്ട യാത്രക്കാരി പറഞ്ഞത്.കൂടാതെ ഡ്രൈവര്‍ മദ്യപിച്ചിട്ടുണ്ടായിരുന്നെന്നും പറഞ്ഞു. അപകടം നടന്നയുടന്‍ ഡ്രൈവര്‍ അവിടെ നിന്നും കടന്ന് കളഞ്ഞു.തീര്‍ത്ഥാടകര്‍ മുഴുവനും ഒരേ കുടുംബത്തില്‍ നിന്നുള്ളവരായിരുന്നെന്നും അപകട സമയത്ത് എല്ലാവരും ഉറങ്ങുകയായിരുന്നെന്നും യാത്രക്കാരില്‍ ഒരാള്‍ പറഞ്ഞു.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..