Malayalam 
കടകംപള്ളി സുരേന്ദ്രന് സ്ത്രീകളോട് മോശമായി പെരുമാറി; ഡിജിപിക്ക് പരാതി നല്കി കോണ്ഗ്രസ് നേതാവ്
തിരുവനന്തപുരം: കടകംപള്ളി സുരേന്ദ്രന് സ്ത്രീകളോട് മോശമായി പെരുമാറിയെന്ന് പരാതി. മന്ത്രിയായിരുന്ന കാലത്ത് സ്ത്രീകളോട് മോശമായി പെരുമാറിയെന്നാണ് പരാതി. പോത്തന്കോട് സ്വദേശിയായ പൊതുപ്രവര്ത്തകനും കോണ്ഗ്രസ് നേതാവുമായ മുനീര് ഇത് സംബന്ധിച്ച് ഡിജിപിക്ക് പരാതി നല്കി.
കടകംപള്ളി സുരേന്ദ്രന് മോശമായി സംസാരിക്കുകയും സമീപിക്കുകയും ചെയ്തുവെന്ന സ്വപ്ന സുരേഷിന്റെ വെളിപ്പെടുത്തലിന്റെ അടിസ്ഥാനത്തില് കടകംപള്ളിക്കെതിരെ കേസെടുക്കണമെന്നാണ് പരാതിയില് ആവശ്യപ്പെട്ടിട്ടുള്ളത്. കടകംപള്ളിയ്ക്കെതിരെ ആരോപണവുമായി സ്ത്രീകളുടെ മൊഴി രേഖപ്പെടുത്തി കേസെടുക്കണമെന്നും പരാതിയില് ആവശ്യപ്പെടുന്നു.
രാഹുല് മാങ്കൂട്ടത്തിലിനെതിരെ ലൈംഗിക ചൂഷണ ആരോപണങ്ങളുടെ അടിസ്ഥാനത്തില് അന്വേഷമം നടത്തുന്നതിനിടെയാണ് കടകംപള്ളിക്കെതിരെ പരാതിയുമായി കോണ്ഗ്രസ് നേതാവ് എത്തുന്നത്.
