പത്തനംതിട്ട: ശഷബരിമലയില്‍ തിരക്കൊഴിയുന്നു. ഇനി ഭക്തര്‍ക്ക് സുഖമായി അയ്യനെ ദര്‍ശിച്ച് മടങ്ങാം. ഇന്ന് രാവിലെ സന്നിധാനത്ത് വലിയ തിരക്ക് അനുഭവപ്പെട്ടിട്ടില്ല. ഇന്നലെ എത്തിയവര്‍ക്കും ഒട്ടും കാത്തുനില്‍പ്പ് ഇല്ലാതെ സുഖദര്‍ശനം ലഭിച്ചു. സ്‌പോട് ബുക്കിങ് 5000 ആയി നിജപ്പെടുത്തിയതാണ് തിരക്ക് കുറയാന്‍ കാരണം. തിരക്ക് നിയന്ത്രിക്കാന്‍ കര്‍ശന നിയന്ത്രണവും ഏര്‍പ്പെടുത്തിയിട്ടുണ്ട്. ഓരോ ദിവസത്തെയും തിരക്ക് നോക്കിയിട്ടാണ് സ്‌പോട് ബുക്കിങിലെ ഇളവ് പരിഗണിക്കുന്നത്. ഹൈക്കോടതിയുടെ നിര്‍ദേശപ്രകാരമാണ് സ്‌പോട് ബുക്കിങില്‍ ഇളവ് വരുത്തിയത്.

രാഗം തിയറ്റര്‍ ഉടമയ്ക്ക് നേരെ നടന്നത് ക്വട്ടേഷന്‍ ആക്രമണം; വാഹനത്തിന്റെ ഉള്ളിലിട്ട് തീയിടാന്‍ ശ്രമിച്ചു

അതേസമയം, ശബരിമലയില്‍ ഇതുവരെ ദര്‍ശനം നടത്തിയത് അഞ്ച് ലക്ഷത്തോളം തീര്‍ഥാടകര്‍. മണ്ഡല മകരവിളക്ക് പൂജയ്ക്കായി നവംബര്‍ 16 ന് ശബരിമല നട തുറന്നശേഷം ഇതുവരെ ദര്‍ശനം നടത്തിയത് അഞ്ച് ലക്ഷത്തോളം തീര്‍ഥാടകര്‍. നവംബര്‍ 21 വൈകിട്ട് ഏഴു വരെ 4,94,151 തീര്‍ഥാടകരാണ് എത്തിയത്. നവംബര്‍ 21ന് മാത്രം വൈകിട്ട് ഏഴുവരെ 72,037 തീര്‍ഥാടകര്‍ ദര്‍ശനം നടത്തി.