Malayalam 
തെരഞ്ഞെടുപ്പ്; തൃശൂര് – എറണാകുളം അതിര്ത്തികളില് 5 ദിവസം മദ്യശാലകള് അടച്ചിടും
തൃശൂര്: തദ്ദേശ തെരഞ്ഞെടുപ്പിനോട് അനുബന്ധിച്ച് തൃശ്ശൂര്-എറണാകുളം ജില്ലാ അതിര്ത്തികളിലുള്ള കള്ളുഷാപ്പുകള് ഉള്പ്പെടെയുള്ള മദ്യശാലകള് തുടര്ച്ചയായി അഞ്ചു ദിവസം പ്രവര്ത്തിക്കില്ല. വോട്ടെടുപ്പ് നടക്കുന്ന പരിധിയുടെ അഞ്ചു കിലോമീറ്റര് ചുറ്റളവില് മദ്യവില്പ്പന നിരോധിക്കുന്നതിനാണ് ഈ നീക്കം.
പ്രതിസന്ധി ഒഴിയാതെ ഇന്ഡിഗോ; റദ്ദാക്കിയത് 300ലധികം സര്വീസുകള്, വലഞ്ഞ് യാത്രക്കാര്
എറണാകുളം വരെയുള്ള ജില്ലകളില് ഡിസംബര് ഒന്പതിനാണ് തെരഞ്ഞെടുപ്പ്. ഇവിടെ ഏഴിന് വൈകീട്ട് ആറ് മുതല് വോട്ടെടുപ്പ് കഴിയുന്നതുവരെയും ഡ്രൈഡേയാണ്. ഈ ദിവസങ്ങളില് അഞ്ചുകിലോമീറ്റര് പരിധിയിലുള്ള തൃശ്ശൂര് ജില്ലയിലെ കള്ളുഷാപ്പുകളും ബാര് ഉള്പ്പെടെയുള്ളവയും അടച്ചിടും. 11-ന് വോട്ടെടുപ്പ് നടക്കുന്ന തൃശ്ശൂര് ഉള്പ്പെടെയുള്ള വടക്കന് ജില്ലകളില് ഒന്പതിന് വൈകീട്ട് ആറ് മുതല് വോട്ടെടുപ്പ് കഴിയുന്നതുവരെയാണ് ഡ്രൈഡേ. ഈ ദിവസങ്ങളില് എറണാകുളം ജില്ലയിലെ അതിര്ത്തികളിലുള്ള മദ്യശാലകളും അടച്ചിടേണ്ടി വരും.
