Malayalam 
നടിയെ ആക്രമിച്ച കേസ്; വിധി പകര്പ്പ് ചോര്ന്നു, അന്വേഷിക്കണമെന്ന് ഹൈക്കോടതി ചീഫ് ജസ്റ്റിസിന് കത്ത്
കൊച്ചി: നടിയെ ആക്രമിച്ച കേസില് ഗൂഢാലോചനകുറ്റം ആരോപിക്കപ്പെട്ട എട്ടാം പ്രതി ദിലീപിനെ കുറ്റവിമുക്തനാക്കിയ വിചാരണക്കോടതി വിധി ചോര്ന്നതായി പരാതി. ഹൈക്കോടതി അഭിഭാഷക അസോസിയേഷന് പ്രസിഡന്റ് അഡ്വ. യശ്വന്ത് ഷേണായി ഇക്കാര്യം പറഞ്ഞത്. ഒന്നാംപ്രതി പള്സര് സുനി അടക്കം ആറുപേരെ കുറ്റക്കാരായി പ്രസ്താവിച്ച വിധിയുടെ ഉള്ളടക്കം വിധി പ്രഖ്യാപിക്കും മുമ്പ് ഊമക്കത്ത് ആയി ലഭിച്ചെന്നാണ് പരാതി. ഇതില് വിശദമായ അന്വേഷണം ആവശ്യപ്പെട്ട് യശ്വന്ത് ഷേണായി ഹൈക്കോടതി ചീഫ് ജസ്റ്റിസിന് കത്ത് നല്കി. ഊമകത്തിന്റെ പകര്പ്പും ചീഫ് ജസ്റ്റിസിന് പരാതിക്കൊപ്പം കൈമാറി.
ശബരിമല സ്വര്ണക്കൊളള വെളിപ്പെടുത്തല്; രമേശ് ചെന്നിത്തലയുടെ മൊഴി എടുക്കുന്നത് മാറ്റി
ദിലീപ് കുറ്റവിമുക്തനാക്കപ്പെടുമെന്ന സന്ദേശം ഡിസംബര് രണ്ടിന് തനിക്ക് ലഭിച്ചുവെന്നാണ് പരാതിയില് പറയുന്നത്. ഡിസംബര് എട്ടിനാണ് നടിയെ ആക്രമിച്ച കേസില് വിധി പ്രസ്താവിച്ചത്. വിചാരണക്കോടതി ജഡ്ജി ഹണി എം വര്ഗ്ഗീസ് സുഹൃത്തായ ഷേര്ളിയെക്കൊണ്ട് വിധി തയ്യാറാക്കിയെന്നും ദിലീപിന്റെ സുഹൃത്തും പ്രതിയുമായ ശരത്തിനെ കാണിച്ച് കച്ചവടം ഉറപ്പിച്ചുവെന്നും ഊമക്കത്തില് പരാമര്ശിക്കുന്നതായി പരാതിയില് പറയുന്നു.
