Malayalam 
പാനൂരിലെ വടിവാള് ആക്രമണം; 5 സിപിഎം പ്രവര്ത്തകര് അറസ്റ്റില്
കണ്ണൂര്: കണ്ണൂര് പാനൂരില് വടിവാള് അക്രമം നടത്തിയ സംഭവത്തില് അഞ്ച് സിപിഎം പ്രവര്ത്തകര് അറസ്റ്റില്. പാറാട് സ്വദേശികളായ അമല്, ശ്രീജു, ജീവന്, റെനീഷ്, സച്ചിന് എന്നിവരാണ് അറസ്റ്റിലായത്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു. രാമന്തളിയില് ഗാന്ധി പ്രതിമ തകര്ത്ത സംഭവത്തിലും പയ്യന്നൂരില് യുഡിഎഫ് ഓഫീസിനുനേരെ അക്രമം നടത്തിയ സംഭവത്തിലും പ്രതികളെ പിടികൂടിയിട്ടില്ല. ഇതില് അന്വേഷണം പുരോഗമിക്കുകാണ്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
സിസിടിവി ദൃശ്യങ്ങള് കേന്ദ്രീകരിച്ച് അന്വേഷണം തുടരുന്നതായി പയ്യന്നൂര് പൊലീസ് പറഞ്ഞു. തദ്ദേശ തെരഞ്ഞെടുപ്പിന്റെ ഫലം പുറത്തുവന്നതിന് പിന്നാലെയാണ് ശനിയാഴ്ച വൈകിട്ട് കണ്ണൂര് പാനൂരില് യുഡിഎഫിന്റെ ആഹ്ലാദപ്രകടനത്തിന് നേരെ വടിവാളുമായി സിപിഎം പ്രവര്ത്തകര് പാഞ്ഞടുത്തത്. പാറാട് ടൗണിലുണ്ടായ കല്ലേറില് നിരവധി യുഡിഎഫ് പ്രവര്ത്തകര്ക്ക് പരിക്കേറ്റു.
