Malayalam 
നടനും മേജര് രവിയുടെ സഹോദരനുമായ കണ്ണന് പട്ടാമ്പി അന്തരിച്ചു
പാലക്കാട്: നടനും പ്രൊഡക്ഷന് കണ്ട്രോളറും മേജര് രവിയുടെ സഹോദരനുമായ കണ്ണന് പട്ടാമ്പി അന്തരിച്ചു. ഇന്നലെ രാത്രി 11.40 ഓടെയായിരുന്നു അന്ത്യം. മേജര് രവിയാണ് ഫേസ്ബുക്കിലൂടെ മരണ വിവരം അറിയിച്ചത്. വൃക്ക സംബന്ധമായ അസുഖത്തെ തുടര്ന്ന് കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്നു. സംസ്കാരം ഇന്ന് വൈകിട്ട് നാലുമണിക്ക് പട്ടാമ്പി ഞാങ്ങാട്ടിരിയിലെ വസതിയില്.
തൊണ്ടിമുതല് അട്ടിമറിച്ചു; ആന്റണി രാജുവിനെതിരെ അച്ചടക്ക നടപടിക്ക് ബാര് കൗണ്സില്
പുലിമുരുകന്, പുനരധിവാസം, അനന്തഭദ്രം, ഒടിയന്, കീര്ത്തിചക്ര, വെട്ടം, ക്രേസി ഗോപാലന്, കാണ്ഡഹാര്, തന്ത്ര, 12വേ മാന് തുടങ്ങി ഒട്ടേറെ ചിത്രങ്ങളില് അഭിനയിച്ചിട്ടുണ്ട്. മേജര് രവി, ഷാജി കൈലാസ്, വി.കെ.പ്രകാശ്, സന്തോഷ് ശിവന്, തുടങ്ങി നിരവധി സംവിധായകരുടെ ചിത്രങ്ങളില് പ്രൊഡക്ഷന് കണ്ട്രോളറും ആയും പ്രവര്ത്തിച്ചിരുന്നു. എക്സിക്യൂട്ടീവ് പ്രൊഡ്യൂസറായും പ്രവര്ത്തിച്ചിട്ടുണ്ട്. റിലീസാവാനിരിക്കുന്ന റേച്ചലില് ആണ് അവസാനം അഭിനയിച്ച ചിത്രം.
