Malayalam 
മുന് കേന്ദ്രമന്ത്രിയും കോണ്ഗ്രസ് നേതാവുമായിരുന്ന സുരേഷ് കല്മാഡി അന്തരിച്ചു
പൂനെ: മുന് കേന്ദ്രമന്ത്രിയും മുതിര്ന്ന കോണ്ഗ്രസ് നേതാവുമായിരുന്ന സുരേഷ് കല്മാഡി (81) അന്തരിച്ചു. ഇന്ന് പുലര്ച്ചെ പൂനെയിലെ ദീനനാഥ് മങ്കേഷ്കര് ആശുപത്രിയിലായിരുന്നു അന്ത്യം. ഉച്ചയ്ക്ക് രണ്ട് മണി വരെ പൂനെ എരണ്ട്വാനയിലെ കല്മാഡി ഹൗസില് പൊതുദര്ശനത്തിന് വെക്കും. തുടര്ന്ന് വൈകുന്നേരം 3.30ന് വൈകുണ്ഠ് ശ്മശാനത്തില് സംസ്കാര ചടങ്ങുകള് നടക്കുമെന്ന് ഓഫീസ് അറിയിച്ചു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
റെയില്വേ സഹമന്ത്രിയായും ദീര്ഘകാലം ഇന്ത്യന് ഒളിമ്പിക് അസോസിയേഷന് പ്രസിഡന്റായും അദ്ദേഹം സേവനമനുഷ്ഠിച്ചിട്ടുണ്ട്. പൂനെയില് നിന്ന് ഒന്നിലധികം തവണ അദ്ദേഹം ലോക്സഭയിലേക്ക് തെരഞ്ഞെടുക്കപ്പെട്ടു. 2010ലെ കോമണ്വെല്ത്ത് ഗെയിംസ് അഴിമതി കേസില് ഫണ്ട് ദുരുപയോഗം ചെയ്ത കേസില് അറസ്റ്റിലായതിന് പിന്നാലെ കോണ്ഗ്രസില് നിന്ന് സസ്പെന്ഡ് ചെയ്തിരുന്നു. 1965ല് വ്യോമസേനയില് പൈലറ്റായി ഔദ്യോഗക ജീവിതം ആരംഭിച്ച കല്മാഡി 1965, 71 വര്ഷങ്ങളിലെ ഇന്ത്യ-പാക് യുദ്ധത്തില് പങ്കെടുത്തു. ഔദ്യോഗിക ജീവിതത്തില് എട്ടു സേനാ മെഡലുകള് ലഭിച്ചു. പാര്ലമെന്റില് റയില്വേ ബജറ്റ് അവതരിപ്പിച്ച ഏക സഹമന്ത്രി കൂടിയായിരുന്നു കല്മാഡി.
