Malayalam 
നിയമസഭാ തെരഞ്ഞെടുപ്പ്; വട്ടിയൂര്ക്കാവില് മത്സരിപ്പിച്ചേക്കില്ല, പാര്ട്ടിയോട് ഇടഞ്ഞ് ശ്രീലേഖ
തിരുവനന്തപുരം: ബിജെപി സ്ഥാനാര്ത്ഥി നിര്ണയത്തില് വീണ്ടും പാര്ട്ടിയോട് ഇടഞ്ഞ് കൗണ്സിലറും സംസ്ഥാന വൈസ് പ്രസിഡന്റുമായ ആര് ശ്രീലേഖ.
മേയര് സ്ഥാനം നല്കാത്തത് ശ്രീലേഖയെ വട്ടിയൂര്ക്കാവ് മണ്ഡലത്തിലെ നിയമസഭാ സ്ഥാനാര്ത്ഥിയായി മത്സരിപ്പിക്കാനെന്നായിരുന്നു നേതാക്കളുടെ വാഗ്ദാനം.
കഴിഞ്ഞ ദിവസം നടന്ന ചര്ച്ചകളില് വട്ടിയൂര്ക്കാവ് മണ്ഡലത്തില് മത്സരിക്കാന് മുന് സംസ്ഥാന അദ്ധ്യക്ഷന് കെ സുരേന്ദ്രന് താല്പ്പര്യം അറിയിച്ചുവെന്നാണ് വിവരം. ഇക്കാര്യം അറിഞ്ഞതോടെയാണ് ശ്രീലേഖ പരസ്യപ്രതികരണവുമായി എത്തിയതെന്നാണ് സൂചന. ഇക്കുറി വിജയസാധ്യതയുള്ള മണ്ഡലം വേണമെന്നാണ് സുരേന്ദ്രന്റെ നിലപാട്. ഇതോടെ പാര്ട്ടി നേതൃത്വം വെട്ടിലായിരിക്കുകയാണ്. മറ്റൊരു മണ്ഡലത്തില് ശ്രീലേഖയെ സ്ഥാനാര്ത്ഥിയാക്കുന്ന കാര്യവും പാര്ട്ടിയുടെ പരിഗണനയിലുണ്ട്. കുമ്മനം രാജശേഖരനും വട്ടിയൂര്ക്കാവില് മത്സരിക്കാന് താല്പ്പര്യം അറിയിച്ചിട്ടുണ്ട്.
