തിരുവനന്തപുരം: ശബരിമല യുവതി പ്രവേശനത്തിനെതിരായ സമരങ്ങളില്‍ രജിസ്റ്റര്‍ ചെയ്ത കേസുകളില്‍ ഇനിയും കേസുകള്‍ പിന്‍വലിക്കാനുണ്ടെന്ന് മുഖ്യമന്ത്രി. നിയമസഭയില്‍ എപി അനില്‍കുമാറിന് മുഖ്യമന്ത്രി നല്‍കിയ മറുപടിയിലാണ് 1587 കേസുകള്‍ ഇനിയും പിന്‍വലിക്കാനുണ്ടെന്ന കണക്കുകള്‍ വ്യക്തമാക്കുന്നത്. ആകെ 2634 കേസുകളിലായി 29,119 പേര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ടെന്ന് മുഖ്യമന്ത്രി പിണറായി വിജയന്‍ അറിയിച്ചു.  തുടര്‍ നടപടികള്‍ ഒഴിവാക്കിയതും പിന്‍വലിക്കാനുള്ള അപേക്ഷ കോടതിയില്‍ സമര്‍പ്പിച്ചതുമായ കേസുകളുടെ എണ്ണം 1047 ആണെന്ന് മുഖ്യമന്ത്രി വ്യക്തമാക്കി.

ഗുരുവായൂര്‍ ക്ഷേത്രത്തിലെ ശീവേലിപ്പുര വൈദ്യുത ദീപ പ്രഭയില്‍

കൂടാതെ 692 കേസുകള്‍ ഇപ്പോഴും കോടതികളുടെ പരിഗണനയിലാണെന്നും മുഖ്യമന്ത്രി കൂട്ടിച്ചേര്‍ത്തു. വിഷയവുമായി ബന്ധപ്പെട്ട് നടന്ന സമരങ്ങളെക്കുറിച്ച് എപി. അനില്‍കുമാര്‍ പതിനാലാം നിയമസഭയുടെ സമ്മേളനത്തില്‍ കഴിഞ്ഞ സെപ്റ്റംബര്‍ 16നാണ് മുഖ്യമന്ത്രിയോട് ചോദ്യം ഉന്നയിച്ചത്. ആദ്യഘട്ടത്തില്‍ മറുപടിനല്‍കാതെ ഒളിച്ച് കളിക്കുകയായിരുന്നു. തുടര്‍ന്ന് ഡിസംബര്‍ 6 ന് എ പി അനില്‍കുമാര്‍ സ്പീക്കര്‍ക്ക് പരാതി നല്‍കുകയായിരുന്നു.