Malayalam 
നിയമസഭാ തെരഞ്ഞെടുപ്പ്; കേന്ദ്ര തെരഞ്ഞെടുപ്പ് കമ്മീഷന് കേരളം സന്ദര്ശിക്കും, മാര്ച്ച് 12ന് തെരഞ്ഞെടുപ്പ് പ്രഖ്യാപനം
തിരുവന്തപുരം: നിയമസഭാ തെരഞ്ഞെടുപ്പിന് മുന്നോടിയായി മാര്ച്ച് അഞ്ചിന് തെരഞ്ഞെടുപ്പ് കമ്മീഷന് കേരളം സന്ദര്ശിക്കും. മുഖ്യ തെരഞ്ഞെടുപ്പ് കമ്മീഷണര് ഗ്യാനേഷ് കുമാര്, കമ്മീഷണര്മാരായ ഡോ. സുഖ്വിന്ദര് സിങ് സന്ധു, ഡോ. വിവേക് ജോഷി എന്നിവരാണ് കേരളത്തില് എത്തുന്നത്. മാര്ച്ച് പന്ത്രണ്ടിന് തെരഞ്ഞെടുപ്പ് പ്രഖ്യാപനം ഉണ്ടായേക്കുമെന്നാണ് വിവരം.
രമേശ് ചെന്നിത്തല ഓര്ത്തഡോക്സ് സഭ ആസ്ഥാനത്ത്; കാതോലിക ബാവയുമായി കൂടിക്കാഴ്ച നടത്തി
കേരളത്തില് ഏപ്രില് പകുതിയോടെ ആകും നിയമസഭാ തെരഞ്ഞെടുപ്പ്. ഒറ്റഘട്ടമായിട്ട് ആയിരിക്കും തെരഞ്ഞെടുപ്പ് നടക്കുക എന്നാണ് റിപ്പോര്ട്ടുകള്. കഴിഞ്ഞ നിയമസഭാ തെരഞ്ഞെടുപ്പ് ഏപ്രില് 6ന് ആയിരുന്നു നടന്നത്. ബിജെപിയുടെ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി മാര്ച്ച് 6ന് കേരളം സന്ദര്ശിക്കും. മോദിയുടെ സന്ദര്ശനത്തില് എന്ഡിഎയുടെ പ്രകടനപത്രിക പുറത്തിറക്കുമെന്നാണ് സൂചന. സാമുദായിക നേതാക്കളുമായും മോദി ചര്ച്ച നടത്തിയേക്കും.