Malayalam 
എല്പിജി നിയന്ത്രണം; ഹോട്ടലുകളില് അധിക ചാര്ജ് ഈടാക്കിയാല് നടപടി
ന്യൂഡല്ഹി: രാജ്യം നേരിടുന്ന എല്പിജി നിയന്ത്രണത്തില് ഹോട്ടലുകളോ റെസ്റ്റോറന്റുകളോ ഭക്ഷണ ബില്ലുകളില് അധിക ചാര്ജ് ഈടാക്കുന്നതായി ശ്രദ്ധയില്പ്പെട്ടാല് നടപടിയെടുക്കുമെന്ന് കേന്ദ്ര ഉപഭോക്തൃ സംരക്ഷണ അതോറിറ്റി. പ്രതിസന്ധി മുതലെടുത്ത് എല്പിജി ചാര്ജ്, ഗ്യാസ് സര്ചാര്ജ് തുടങ്ങിയ പേരുകളില് ബില്ലില് അധിക തുക ചുമത്തുന്നത് കണ്ടെത്തിയാല് നടപടിയെടുക്കുമെന്ന് ചൂണ്ടിക്കാണിച്ച് ഹോട്ടലുകള്ക്കും റെസ്റ്റോറന്റുകള്ക്കും ഉപഭോക്തൃ സംരക്ഷണ അതോറിറ്റി മുന്നറിയിപ്പ് നല്കി.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ചില റെസ്റ്റോറന്റുകള് ബില്ലില് അധിക ചാര്ജ് ചുമത്തിയതിന്റെ ചിത്രങ്ങള് സാമൂഹിക മാധ്യമങ്ങളില് പ്രചരിച്ചിരുന്നു. കൂടാതെ സിസിപിഎയ്ക്കും ഇതുസംബന്ധിച്ച് ഒട്ടേറെ പരാതികള് ലഭിച്ചു. ഇത്തരം ചാര്ജുകള് മുന്പു കേന്ദ്രം വിലക്കിയ സര്വീസ് ചാര്ജിനു തുല്യമാണെന്നും സിസിപിഎ വിലയിരുത്തി. റെസ്റ്റോറന്റുകള് ചാര്ജ് ചുമത്തിയാല് ബില്ലില് നിന്ന് ഇതൊഴിവാക്കണമെന്ന് ഉപയോക്താവിന് ആവശ്യപ്പെടാം.