Malayalam 
വിദ്യാര്ത്ഥി ഷോക്കേറ്റ് മരിച്ച സംഭവം; സ്കൂള് മാനേജ്മെന്റിനെതിരെ കേസ്
കൊല്ലം: സ്കൂളില് എട്ടാം ക്ലാസ് വിദ്യാര്ത്ഥി മിഥുന് ഷോക്കേറ്റ് മരിച്ച സംഭവത്തില് കൊല്ലം തേവലക്കര ബോയ്സ് ഹൈസ്ക്കൂള് മാനേജ്മെന്റിന് എതിരേയും കേസെടുത്തു. ശാസ്താംകോട്ട പോലീസാണ് കേസെടുത്തത്. സ്കൂള് മാനേജര്, മാനേജ്മെന്റ് കമ്മിറ്റി അംഗങ്ങള് എന്നിവരും പ്രതികളാകും. സൈക്കിള് ഷെഡ് കെട്ടിയ സമയത്തെ മാനേജ്മെന്റിനും സ്കൂളിന് ഫിറ്റ്നെസ് സര്ട്ടിഫിക്കറ്റ് നല്കിയ പഞ്ചായത്ത് അസിസ്റ്റന്റ് എഞ്ചിനീയര്ക്കെതിരെയും കേസെടുക്കും.
Also Read; അമ്മയും കുഞ്ഞും പുഴയില് ചാടി; അമ്മയ്ക്ക് ദാരുണാന്ത്യം, മകനായുള്ള തിരച്ചില് നടക്കുന്നു
മാനേജ്മെന്റിനെതിരെ നടപടിയെടുക്കാതെ പ്രധാന അധ്യാപികയ്ക്കെതിരെ മാത്രം നടപടി സ്വീകരിച്ചതിനെതിരെ വിമര്ശനം ഉയര്ന്നിരുന്നു. വിദ്യാര്ത്ഥിയുടെ മരണത്തില് യഥാര്ത്ഥ കാരണക്കാരായ സ്കൂള് മാനേജ്മെന്റിനെയും കെഎസ്ഇബിയെയും ഒഴിവാക്കി പ്രധാനാധ്യാപികയ്ക്കെതിരെ നടപടി സ്വീകരിച്ചത് നീതിയല്ലെന്നായിരുന്നു കഴിഞ്ഞ ദിവസം കെപിഎസ്ടിഎ പ്രതികരിച്ചത്. അധ്യാപകരെ അടച്ചാക്ഷേപിക്കുന്ന നയം വിദ്യാഭ്യാസ മന്ത്രി തിരുത്തണമെന്നും ആവശ്യപ്പെട്ടിരുന്നു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ഇക്കഴിഞ്ഞ വ്യാഴാഴ്ചയായിരുന്നു സ്കൂളില് നിന്നും ഷോക്കേറ്റ് മിഥുന് മരിച്ചത്. സ്കൂളിലെ സൈക്കിള് ഷെഡിന് മുകളില് വീണ സുഹൃത്തിന്റെ ചെരുപ്പെടുക്കാന് കയറിയപ്പോഴായിരുന്നു മിഥുന് ഷോക്കേറ്റത്. കെഎസ്ഇബിയില് നിന്ന് അധികൃതര് എത്തി വൈദ്യുതി ബന്ധം വിച്ഛദിച്ച് മിഥുനെ താഴെയിറക്കി ഉടന് ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു.
