Malayalam 
ബിഎല്‍ഒമാര്‍ക്ക് കണ്ടെത്താനാകാത്ത വോട്ടര്‍മാരെ തീവ്രവോട്ടര്‍പട്ടിക പരിഷ്‌കരണത്തില്‍ പുറത്താകും
തിരുവനന്തപുരം: മൂന്നുതവണ ബിഎല്‍ഒമാര്‍ വീട്ടില്‍ എത്തിയിട്ടും വോട്ടര്‍മാരെ കണ്ടെത്താനായില്ലെങ്കില്‍ തീവ്രവോട്ടര്‍പട്ടിക പരിഷ്‌കരണത്തില്‍ (എസ്‌ഐആര്‍) പുറത്താകും. ഇവരുടെ പട്ടിക (അണ്‍ട്രെയ്സബിള്‍) തിരഞ്ഞെടുപ്പ് കമ്മിഷന്റെ വെബ്സൈറ്റിലും ഇലക്ടറല്‍ രജിസ്ട്രേഷന് ഓഫീസ് തലങ്ങളിലും ബൂത്തടിസ്ഥാനത്തില്‍ പ്രസിദ്ധീകരിക്കുന്നതിനുപുറമേ രാഷ്ട്രീയപ്പാര്‍ട്ടികളുടെ പ്രതിനിധികള്‍ക്കും നല്‍കും.
ശബരിമല സ്വര്‍ണക്കൊള്ള; ജയറാമിനെ സാക്ഷിയാക്കും, മൊഴിയെടുക്കാന്‍ സമയം തേടുമെന്ന് അന്വേഷണ സംഘം
ഇവരുടെ പേരുവിവരങ്ങള്‍ രാഷ്ട്രീയപ്പാര്‍ട്ടികള്‍ ചുമതലപ്പെടുത്തുന്ന ബിഎല്‍എമാരുമായി ബിഎല്‍ഒമാര്‍ ചര്‍ച്ചചെയ്താണ് പട്ടിക അന്തിമമാക്കുകയെന്ന് മുഖ്യതിരഞ്ഞെടുപ്പ് ഓഫീസര്‍ ഡോ. രത്തന്‍ യു. കേല്‍ക്കര്‍ വിശദീകരിച്ചു. ഇവരെ കണ്ടെത്തി എന്യൂമറേഷന്‍ ഫോറം പൂരിപ്പിച്ചു പട്ടികയില്‍ ഉള്‍പ്പെടുത്തുകയും ചെയ്യും. കരട് പട്ടിക പ്രസിദ്ധീകരിച്ചശേഷവും പേര് ചേര്‍ക്കാന്‍ അവസരമുണ്ട്.
മരിച്ചവര്‍, സ്ഥിരമായി താമസംമാറിയവര്‍, മറ്റുസ്ഥലത്ത് പേരുചേര്‍ത്തവര്‍, മറ്റുകാരണങ്ങളാല്‍ ഉള്‍പ്പെടാത്തവര്‍ എന്നിവര്‍ അണ്‍ട്രെയ്സബിള്‍ വിഭാഗത്തിലാണ് വരുന്നത്. 28 ലക്ഷത്തോളം ഫോറങ്ങള്‍ ഡിജിറ്റൈസ് ചെയ്തപ്പോള്‍ 1.20 ലക്ഷത്തിലേറെ വോട്ടര്‍മാരെയാണ് ഈ വിഭാഗത്തില്‍ കണ്ടെത്തിയത്. പൂരിപ്പിച്ച എന്യൂമറേഷന്‍ ഫോറം ഡിസംബര്‍ നാലിനകം നല്‍കണമെന്നാണ് ഷെഡ്യൂളില്‍ ഉള്ളതെങ്കിലും ചൊവ്വാഴ്ചയ്ക്കകം നല്‍കാനും ആവശ്യപ്പെടുന്നുണ്ട്.
