Malayalam 
രാഹുല്‍ മാങ്കൂട്ടത്തിലിന് സംരക്ഷണം നല്‍കുന്നു; പാര്‍ട്ടിക്കുള്ളില്‍ അസംതൃപ്തി, കടുത്ത നടപടി വേണമെന്ന് നേതാക്കള്‍
പാലക്കാട്: രാഹുല്‍ മാങ്കൂട്ടത്തില്‍ എംഎല്‍എയ്‌ക്കെതിരെ കോണ്‍ഗ്രസില്‍ അതൃപ്തി. ലൈംഗികാരോപണം നേരിടുന്ന രാഹുലിന് സംരക്ഷണം നല്‍കുന്നുവെന്ന് പറഞ്ഞാണ് പാര്‍ട്ടിക്കുള്ളില്‍ അതൃപ്തി പുകയുന്നത്. രാഹുലിന് എതിരെ കടുത്ത നടപടി വേണമെന്നാണ് മുതിര്‍ന്ന നേതാവ് രമേശ് ചെന്നിത്തലയുടെയും പ്രതിപക്ഷ നേതാവ് വി ഡി സതീശന്റെയും ആവശ്യം. ആരോപണങ്ങളില്‍ മൗനം പാലിക്കുകയാണ് എഐസിസി സംഘടനാ ചുമതലയുള്ള ജനറല്‍ സെക്രട്ടറി കെ സി വേണുഗോപാലും കെപിസിസി അധ്യക്ഷന്‍ സണ്ണി ജോസഫും.
എസ് ഐ ആര് നടപടികള്‍ സ്റ്റേ ചെയ്യണം; ചാണ്ടി ഉമ്മന്‍ സുപ്രീംകോടതിയില്‍
പാര്‍ട്ടിയില്‍ നിന്ന് രാഹുലിനെ മാറ്റി നിര്‍ത്തണമെന്നാണ് നേതാക്കളുടെ ആവശ്യം. പാര്‍ട്ടി പരിപാടികളില്‍ രാഹുല്‍ പങ്കെടുക്കുന്നത് തെരഞ്ഞെടുപ്പില്‍ തിരിച്ചടിയാകുമെന്നാണ് പാര്‍ട്ടിക്കുള്ളിലെ സംസാരം. രാഹുലിനെതിരെ ഹൈക്കമാന്റ് കടുത്ത നടപടി കൈക്കൊള്ളമെന്ന ആവശ്യം നേതാക്കള്‍ ഉന്നയിക്കുന്നുണ്ട്.
