Malayalam 
ജെന്സി നേതാവിന്റെ മരണം; ബംഗ്ലാദേശില് വ്യാപക പ്രക്ഷോഭം, മാധ്യമ സ്ഥാപനങ്ങള്ക്ക് തീയിട്ടു
ധാക്ക: ജെന്സീ പ്രക്ഷോഭത്തിന്റെ മുന്നിരയിലുണ്ടായിരുന്ന വിദ്യാര്ഥി നേതാവ് ഷരീഫ് ഒസ്മാന് ഹാദിയുടെ മരണത്തിനു പിന്നാലെ ബംഗ്ലദേശില് വ്യാപക പ്രക്ഷോഭം. തലസ്ഥാനമായ ധാക്കയുടെ തെരുവുകളിലിറങ്ങിയ പ്രതിഷേധക്കാര് വ്യാപക അക്രമം അഴിച്ചുവിട്ടു. മാധ്യമ ഓഫിസുകള് ഉള്പ്പെടെ നിരവധി സ്ഥാപനങ്ങള്ക്കു തീയിട്ടു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
പ്രമുഖ മാധ്യമ സ്ഥാപനങ്ങളായി ഡെയ്ലി സ്റ്റാര്, പ്രഥം ആലോ എന്നിവയുടെ ഓഫിസ് സ്ഥിതിചെയ്യുന്ന കെട്ടിടത്തിനു അക്രമികള് തീയിട്ടു. അക്രമികള് ഇന്ത്യാവിരുദ്ധ മുദ്രാവാക്യങ്ങള് മുഴക്കിയതായും റിപ്പോര്ട്ടുകളുണ്ട്. ഇന്ത്യാവിരുദ്ധ നിലപാടുകള് സ്വീകരിച്ചിരുന്ന വിദ്യാര്ഥി നേതാവ് ഷരീഫ് ഒസ്മാന് ഹാദിക്ക് കഴിഞ്ഞ വെള്ളിയാഴ്ച ധാക്കയില് അജ്ഞാതരുടെ വെടിയേറ്റ് ചികിത്സയിലിരിക്കെയാണ് മരിച്ചത്. ഇതിന് പിന്നാലെയാണ് പ്രക്ഷോഭകാരികള് എത്തിയതും അക്രമം അഴിച്ചുവിട്ടതും.
