Malayalam 
സംസ്ഥാന സ്കൂള് കലോത്സവത്തിന്റെ മുഖ്യവേദി സന്ദര്ശിച്ച് സുരേഷ് ഗോപി
തൃശൂര്: നാളെ മുതല് നടക്കുന്ന സംസ്ഥാന സ്കൂള് കലോത്സവത്തിന്റെ മുഖ്യവേദി സന്ദര്ശിച്ച് കേന്ദ്ര മന്ത്രി സുരേഷ് ഗോപി. പുലര്ച്ചെയാണ് തക്കിന്കാട് മൈതാനത്തെ മുഖ്യവേദിയിലെത്തി കലോത്സവത്തിന്റെ ഒരുക്കങ്ങള് വിലയിരുത്തിയത്. 2026ലെ തൃശൂര് പൂരത്തിന്റെ കര്ട്ടന് റെയ്സറായിരിക്കും കലോത്സവമെന്നും പൂരം കാണുന്നപോലെ ലോകം മുഴുവന് കലോത്സവവും ഏറ്റെടുക്കുമെന്നും വേദി സന്ദര്ശിച്ചശേഷം സുരേഷ്ഗോപി പ്രതികരിച്ചു. നാളെ മുതല് 18വരെയാണ് സ്കൂള് കലോത്സവം നടക്കുക.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
25 വേദികളിലായാണ് മത്സരം. വിവിധ പൂക്കളുടെ പേരുകളാണ് വേദികള്ക്ക് നല്കിയിരിക്കുന്നത്. പേരുകളില് നിന്ന് താമരയെ ഒഴിവാക്കിയത് വിവാദമായിരുന്നു. കലോത്സ വേദികളുടെ പേരുകളില് നിന്ന് താമര ഒഴിവാക്കിയ സംഭവത്തിലും സുരേഷ് ഗോപി പ്രതികരിച്ചു. എല്ലാത്തിലും രാഷ്ട്രീയം കാണുന്നതാണ് പ്രശ്നമെന്നും രാഷ്ട്രം എന്ന് വിചാരിച്ചാല് മതിയെന്നും സുരേഷ് ഗോപി പറഞ്ഞു.