Malayalam 
‘രാഷ്ട്രീയക്കാരനാകേണ്ടെന്നും, സഭയുടെ കാര്യം നോക്കിയാല് മതി ‘; മാര്പാപ്പയോട് ട്രംപ്
വാഷിങ്ടണ്: മാര്പാപ്പയ്ക്കെതിരെ അമേരിക്കന് പ്രസിഡന്റ് ഡോണാള്ഡ് ട്രംപ്. ഇറാനെതിരായ സൈനിക നീക്കത്തില് വിമര്ശനവുമായി രംഗത്തെത്തിയ ലിയോ പതിനാലാമന് മാര്പ്പാപ്പയെ കടന്നാക്രമിച്ച് അമേരിക്കന് പ്രസിഡന്റ് ഡോണള്ഡ് ട്രംപ്. മാര്പാപ്പ തീവ്ര ഇടതുപക്ഷത്തെ തൃപ്തിപ്പെടുത്താന് ശ്രമിക്കുന്നത് നിര്ത്തണം എന്നാണ് ട്രംപിന്റെ ഉപദേശം. കുറ്റകൃത്യങ്ങള് സംബന്ധിച്ച് മാര്പാപ്പ സ്വീകരിക്കുന്ന നിലപാട് ദുര്ബലമാണ്. അദ്ദേഹത്തിന്റെ വിദേശ നയങ്ങള് വളരെ മോശമാണെന്നും ട്രംപ് പരിഹസിച്ചു. അമേരിക്കക്കാരനായ ലിയോയെ സഭ മാര്പ്പാപ്പയായി തെരഞ്ഞെടുത്തതെന്ന് തന്നെ നേരിടാന് വേണ്ടിയാണ് എന്നും ട്രംപ് ആരോപിച്ചു. താന് വൈറ്റ് ഹൗസില് ഇല്ലായിരുന്നുവെങ്കില് ലിയോ വത്തിക്കാനില് ഉണ്ടാകില്ലായിരുന്നു എന്നാണ് ട്രംപിന്റെ പരാമര്ശം.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
സോഷ്യല് മീഡിയ പോസ്റ്റിലും വാര്ത്താ ഏജന്സിയായ ടാര്മാക്കിന് നല്കിയ അഭിമുഖത്തിലും ട്രംപ് നിലപാട് ആവര്ത്തിച്ചു. ‘ഞാന് പോപ്പ് ലിയോയുടെ ആരാധകനല്ല,’ എന്നാണ് ട്രംപിന്റെ നിലപാട്. ‘ഇറാന് ആണവായുധം കൈവശം വയ്ക്കുന്നത് ശരിയാണെന്ന് കരുതുന്ന ഒരു പോപ്പിനെ എനിക്ക് അംഗീകരിക്കാന് ആകില്ലെന്നും, വെനസ്വേലയില് നിന്നുള്ള മയക്കുമരുന്ന് കടത്തും കുറ്റവാളികളുടെ കടന്നുകയറ്റവും തടയാന് താന് ശ്രമിക്കുമ്പോള് അതിനെ മാര്പ്പാപ്പ വിമര്ശിക്കുന്നത് ശരിയല്ലെന്നും ട്രംപ് പറഞ്ഞു.
കുറ്റകൃത്യങ്ങളില് പോപ്പ് ലിയോ ദുര്ബലനാണ്, വിദേശനയത്തില് അദ്ദേഹം ഭയങ്കരനാണ്. ട്രംപ് ഭരണകൂടത്തോടുള്ള ‘ഭയ’ത്തെക്കുറിച്ച് അദ്ദേഹം സംസാരിക്കുന്നു. ഇറാന് ഒരു ആണവായുധം ഉണ്ടായിരിക്കുന്നത് ശരിയാണെന്ന് കരുതുന്ന ഒരു പോപ്പിനെ എനിക്ക് വേണ്ട. അമേരിക്കയിലേക്ക് വന്തോതില് മയക്കുമരുന്ന് അയയ്ക്കുകയും, മയക്കുമരുന്ന് വ്യാപാരികള്, കൊലയാളികള് എന്നിവരെ അമേരിക്കയിലേക്ക് അയക്കുകയും ചെയ്ത വെനിസ്വേലയെ അമേരിക്ക ആക്രമിച്ചത് ഭയാനകമാണെന്ന് കരുതുന്ന ഒരു പോപ്പിനെ എനിക്ക് വേണ്ട. പോപ്പ് ആകാനുള്ള ഒരു പട്ടികയിലും അദ്ദേഹം ഉണ്ടായിരുന്നില്ല, ഒരു അമേരിക്കക്കാരനായതിനാല് മാത്രമാണ് സഭ അദ്ദേഹത്തെ അവിടെ ഉള്പ്പെടുത്തിയത്, പ്രസിഡന്റ് ട്രംപിനെ നേരിടാനുള്ള ഏറ്റവും നല്ല മാര്ഗമാണിതെന്ന് അവര് കരുതി. ഞാന് വൈറ്റ് ഹൗസില് ഇല്ലായിരുന്നുവെങ്കില്, ലിയോ വത്തിക്കാനില് ഉണ്ടാകുമായിരുന്നില്ല. ഇടതുപക്ഷക്കാരനായ ഡേവിഡ് ആക്സല്റോഡിനെപ്പോലുള്ള ഒബാമ അനുഭാവികളുമായി അദ്ദേഹം കൂടിക്കാഴ്ച നടത്തുന്നു. ലിയോ പോപ്പ് എന്ന നിലയില് തന്റെ കടമകള് നിര്വഹിക്കണം. സാമാന്യബുദ്ധി ഉപയോഗിക്കണം, ഇടതുപക്ഷത്തെ പിന്തുണയ്ക്കുന്നത് നിര്ത്തണം, രാഷ്ട്രീയക്കാരനല്ല, മഹാനായ പോപ്പാകുന്നതില് ശ്രദ്ധ കേന്ദ്രീകരിക്കണം എന്നാണ് ട്രംപിന്റെ പോസ്റ്റ്