Malayalam 
കെപിസിസി പുനഃസംഘടന തര്‍ക്കം; പാര്‍ട്ടിയില്‍ ഭിന്നത രൂക്ഷം, പരിഹരിക്കാന്‍ ഹൈക്കമാന്‍ഡ്, ഡല്‍ഹിയില്‍ നാളെ യോഗം ചേരും
തിരുവനന്തപുരം: കേരളത്തിലെ കോണ്‍ഗ്രസില്‍ പുനഃസംഘടനയുമായി ബന്ധപ്പെട്ട് രൂപപ്പെട്ട തര്‍ക്കം പരിഹരിക്കാനായി ഹൈമാന്‍ഡ് ഇടപെടും. തര്‍ക്കങ്ങള്‍ അവസാനിപ്പിക്കാനായി നേതാക്കളുമായി യോഗം ചേരും. നാളെ രാവിലെ 11ന് എഐസിസി ആസ്ഥാനത്താണ് കേരള നേതാക്കളുടെ യോഗം ചേരുക.
കെപിസിസി പുനഃസംഘടനയുമായി ബന്ധപ്പെട്ടുള്ള തര്‍ക്കങ്ങള്‍ കാരണം പാര്‍ട്ടിയില്‍ ഭിന്നത പുകയുന്ന സാഹചര്യത്തിലാണ് നേതാക്കളെ ഡല്‍ഹിയിലേക്ക് വിളിപ്പിച്ചിരിക്കുന്നത്. നാളെ രാവിലെ കോണ്ഗ്രസ് അധ്യക്ഷന്‍ മല്ലിക അര്ജുന് ഖാര്‍ഗെയുടെ നേതൃത്വത്തിലാണ് യോഗം ചേരുന്നത്. കെപിസിസി അധ്യക്ഷനും പ്രതിപക്ഷ നേതാവും മുന്‍ കെപിസിസി അധ്യക്ഷന്മാരും യോഗത്തില്‍ പങ്കെടുക്കും. കെപിസിസി സെക്രട്ടറിമാരുടെ നിയമനം ഉള്‍പ്പെടെ ചര്‍ച്ചയാകും.