Malayalam 
ബാറുകളുടെ സമയമാറ്റം മന്ത്രിസഭയിലും മുന്നണിയിലും ചര്ച്ചയായില്ല; ഇടതുമുന്നണിയില് അതൃപ്തി
തിരുവനന്തപുരം: ബാറുകളുടെ പ്രവര്ത്തനസമയം മാറ്റിയത് മുന്നണി യോഗത്തിലോ മന്ത്രിസഭാ യോഗത്തിലോ ചര്ച്ച ചെയ്യാതെയെന്ന് സൂചന. ബാറുടമകളുടെ ദീര്ഘകാല ആവശ്യം നിയമസഭാ തെരഞ്ഞെടുപ്പ് പടിവാതില്ക്കല് നില്ക്കെയാണ് അംഗീകരിച്ച് കൊടുത്തത്. ബാറിലെ സമയം ചര്ച്ച ചെയ്യാതെയും കൂടിയാലോചിക്കാതെയും 2 മണിക്കൂര് നീട്ടികൊടുത്തതില്
ഇടുതുമുന്നണിയില് ഒരുവിഭാഗത്തിന് കടുത്ത അതൃപ്തിയുള്ളതായാണ് റിപ്പോര്ട്ടുകള്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
2025 സെപ്റ്റംബറില് ഫെഡറേഷന് ഓഫ് കേരള ഹോട്ടല്സ് അസോസിയേഷന് നല്കിയ അപേക്ഷയാണ് മുഖ്യമന്ത്രിയുടെ അനുമതിയോടെ അംഗീകരിച്ച് നികുതി വകുപ്പ് വിജ്ഞാപനമിറക്കിയത്. ഡ്രൈഡേകളില് 50,000 രൂപ പ്രത്യേക ഫീസ് ഈടാക്കി മദ്യം വിളമ്പാന് ബാറുകള്ക്ക് കഴിഞ്ഞ മദ്യനയത്തില് സര്ക്കാര് അനുമതി നല്കിയിരുന്നു. അടുത്ത മദ്യനയമിറക്കേണ്ടത് പുതിയ സര്ക്കാരാണ് എന്നിരിക്കെയാണ് നയത്തിനുമുന്പേ ബാറുകള്ക്ക് സര്ക്കാര് ഇളവ് പ്രഖ്യാപിച്ചത്. വിജ്ഞാപനം ചെയ്യപ്പെട്ട ടൂറിസം കേന്ദ്രങ്ങള് മാത്രമായിരുന്നു ബാറുകള്ക്ക് 10-12 എന്ന സമയം അനുവദിച്ചിരുന്നത്. വിദേശമദ്യ ചട്ടത്തില് വരുത്തിയ വരുത്തിയ ഭേദഗതിയോടെ എല്ലാ ബാറുകള്ക്കും ഇത് ബാധകമാക്കി.