Malayalam 
‘വിവാദം സിനിമയെ പ്രതികൂലമായി ബാധിച്ചു’; വിന്‍ സിക്കും ഷൈനിനുമെതിരെ സൂത്രവാക്യം സിനിമയുടെ നിര്‍മ്മാതാവ്
നടി വിന്‍സി അലോഷ്യസിനും നടന് ഷൈന്‍ ടോം ചാക്കോയ്ക്കുമെതിരെ ‘സൂത്രവാക്യം’ സിനിമയുടെ നിര്‍മ്മാതാവ് ശ്രീകാന്ത് കണ്ടര്‍ഗുള രംഗത്ത്. വിന്‍ സി അലോഷ്യസുമായി സംസാരിച്ചു. സിനിമാ സെറ്റിലുണ്ടായ വിഷയം ചിലര്‍ക്ക് അറിയാമായിരുന്നുവെന്ന് വിന്‍ സി പറഞ്ഞു, എന്നാല്‍ അത് ആരാണെന്ന് കൃത്യമായി പറഞ്ഞിട്ടില്ലെന്നും ശ്രീകാന്ത് പറഞ്ഞു.
‘സത്യസന്ധമായി വീണ്ടും പറയട്ടെ. സംഭവത്തെക്കുറിച്ച് എനിക്ക് ഒന്നും അറിയില്ലായിരുന്നു. യാതൊരു പരാതിയും ലഭിച്ചിരുന്നില്ല. വിവാദം സിനിമയെ നെഗറ്റീവായി ബാധിച്ചു. ഈസ്റ്റര്‍ ദിനത്തില്‍ സിനിമയുടെ പോസ്റ്റര്‍ പുറത്തുവിട്ടു. വിന്‍ സിയോ ഷൈനോ പോസ്റ്റര്‍ പങ്കുവെച്ചിട്ടില്ല. ലഹരിയെക്കുറിച്ചോ വിന്‍ സിയുടെ പരാതിയെക്കുറിച്ചോ എനിക്ക് യാതൊന്നും അറിയില്ല. എന്നാല്‍ എന്റെ സിനിമയെ ഇതെല്ലാം പ്രതികൂലമായി ബാധിച്ചു’, നിര്‍മ്മാതാവ് ശ്രീകാന്ത് കണ്ടര്‍ഗുള പറഞ്ഞു.
Join with metro post: വാര്‍ത്തകള്‍ വേഗത്തിലറിയാന്‍ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ…
സിനിമയുടെ പ്രമോഷനുമായി വിന്‍സിയും ഷൈനും സഹകരിക്കുന്നില്ലെന്നും ശ്രീകാന്ത് പറഞ്ഞു. താന്‍ കേരളത്തിലെത്തിയത് കൂടുതല്‍ മലയാളം സിനിമകള്‍ നിര്‍മ്മിക്കാനാണ്. എന്നാല്‍ ആദ്യ ചിത്രത്തില്‍ തന്നെ ഇതൊക്കെയാണ് അനുഭവം. എന്താണ് പറയേണ്ടതെന്ന് തനിക്ക് അറിയില്ല. കഴിഞ്ഞ മൂന്ന് നാല് ദിസവമായി ഉറക്കമില്ലെന്നും ശ്രീകാന്ത് പറഞ്ഞു.